Дни памяти:
4 октября (н. ст.)
10 ноября (н. ст.)
Тропарь, глас 8
Православия ревнителю и раскола искоренителю, недужных целебниче и новый к Богу молитвенниче, списаньми твоими буих уцеломудрил еси, цевнице духовная, Димитрие блаженне, моли Христа Бога, спастися душам нашим.
Кондак, глас 8
Звезду, от Киева возсиявшую и чрез Новград Северский в Ростов достигшую, всю же страну сию ученьми и чудесы озарившую, ублажим златословеснаго учителя Димитрия, той бо всем вся написа, яже к наставлению, да всех приобрящет, якоже Павел, Христу и спасет правоверием души наша.
Кондак 1
Возбранный чудотворче и изрядный угодниче Христов, многоцелебный чудес источниче, неисчерпаемыя благодати ходатаю, теплый молитвенниче, великий святителю Христов Димитрие, яко имеяй дерзновение ко Христу Богу нашему, от всяких нас бед свободи, зовущих: Радуйся, Димитрие, новый и великий чудотворче.
Икос 1
Ангел нравом, аще и человек естеством был еси, святителю Димитрие: от самых бо младых ногтей ум твой, пренебрегши земная, в Небесная вперил еси и, плоть нося, о плоти нерадил еси. Темже и вселися в тя Пресвятый Дух, Егоже тя обиталищем быти уведевше, похвальная восписуем ти:
Радуйся, незлобием твоим Агнцу, прореченному Исаием, подражавый.
Радуйся, милосердием нищия препитавый.
Радуйся, воздержанием Ангелов удививый.
Радуйся, постом и молитвою плоть твою удручивый.
Радуйся, к подвластным чадолюбивым отцем бывый.
Радуйся, страждущия сердоболием утешивый.
Радуйся, вместо тленных нетленная стяжавый.
Радуйся, Небесный человече.
Радуйся, земный Ангеле.
Радуйся, Духа Святаго сосуде избранный.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 2
Видяще обильную реку чудес и исцелений, от святых твоих мощей истекающую, благоговения и радости исполншеся, благодарим Бога, прославляющаго святыя Своя, Емуже и о тебе вопием: Аллилуия.
Икос 2
Разум истиннаго богословия внушая чадом Христовы Церкве, златословесными поучениями утверждал еси, еретичествующих же раскольников, привлекая к спасительному единомыслию, в заблуждениях обличал еси. За таковое твое о душах наших попечение взываем ти сице:
Радуйся, таинниче Пресвятыя Троицы.
Радуйся, проповедниче неисчетных чудес Божиих.
Радуйся, апостольских преданий блюстителю.
Радуйся, брынских душегубцев победителю.
Радуйся, пламеню, ереси пожигающий.
Радуйся, громе, устрашающий соблазняющия.
Радуйся, свеще, Богом возжженная, мрак нечестия разгоняющая.
Радуйся, звездо, путь ко спасению показующая.
Радуйся, тимпане, Божию славу бряцаяй.
Радуйся, органе Духа Святаго.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 3
Силою благодати Божия еще во временной жизни приял еси власть, святе Димитрие, недуги исцеляти и бесы изгоняти; по смерти же твоей наипаче прослави тебе Всемогущий Бог многими чудотворениями, да вси, взирая на сие, усердно притекают ко исцелению тобою от недугов телесных, а паче душевных, Богу же вопиют: Аллилуия.
Икос 3
Имея неусыпное попечение о спасении душ, вверенных тебе от Бога, святителю Димитрие, пастырски к душеспасительной жизни и словом и самым делом, показуя неленостный подвиг в подражании святым Божиим, непрестанно наставлял еси. Сего ради приими от нашего усердия достойныя похвалы тебе:
Радуйся, пастырю добрый, заблуждающих по горам суемудрия взыскавый.
Радуйся, благий рабе и верный, данный тебе от Господа талант усугубивый.
Радуйся, делателю винограда Христова.
Радуйся, благочестия столпе неподвижимый.
Радуйся, твердое забрало Христовы Церкве.
Радуйся, щите, защищаяй благочестие.
Радуйся, мечу острейший, посекаяй злочестие.
Радуйся, непоколебимое Православия основание.
Радуйся, твердый каменю веры.
Радуйся, кормило церковное, управляющее верных к тихому пристанищу.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 4
Буря ересей от преисподних, чрез Ария в Греции возродившаяся, в последняя же лета происки Мартина Арменина чрез брынских скитоначальников во отечестве нашем возникшая, готова была опровергнути тишину единыя Святыя, Соборныя и Апостольския Церкви; ты же, пастырю добрый, положивый душу твою за овцы, оныя прогнав душепагубныя волки, бурю суемудрия укротил еси, верныя же научил еси Триипостасному Богу взывати: Аллилуия.
Икос 4
Слышаша суемудреннии раскольницы твое к ним изобличение, еже ты, болезнуя о сердечном их заблуждении, написал еси, возбесишася зело, и множество из них вместо должнаго исправления адский пламень изрыгнуша на тя; ты же, яко твердый адамант, под ударами злобы и ненависти не изменился еси. Сего ради Церковь Святая блажит тя приветствии сими:
Радуйся, Ангелов сожителю.
Радуйся, апостолов преемниче.
Радуйся, святителей сопрестольниче.
Радуйся, новый Златоусте.
Радуйся, Спиридону, Василию Великому, Григорию Богослову и прочим великим святителям единочестне.
Радуйся, Николаю Мирликийскому и Мелетию Антиохийскому единонравне.
Радуйся, преподобных собеседниче.
Радуйся, монахов и постников наставниче.
Радуйся, мучеников удобрение.
Радуйся, праведных украшение.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 5
Боготечная звезда явился еси в течении твоем, еже ты совершал еси, свое устрояя спасение; примером же верных души назидая, научил еси благоприятно пети Богу: Аллилуия.
Икос 5
Видевше Ангельстии чинове еще во временной жизни великия подвиги твоя во всяком благочестии и чистоте, удивляхуся, прославляюще Человеколюбца Бога, немощное человеческое естество подкрепляющаго. Мы же тя, усердно любовию почитающе, чествуем похвалами сими:
Радуйся, луче Трисолнечнаго Света.
Радуйся, светильниче, на свещнице церковнем поставленный.
Радуйся, светило, путь правый показующее.
Радуйся, воине Христов непобедимый.
Радуйся, Единосущныя Троицы истинный поборниче.
Радуйся, уста еретическая заградивый.
Радуйся, златословесными устами Небесныя истины вещаяй.
Радуйся, вся своя имения, по словеси Господню, продавый.
Радуйся, единаго безценнаго бисера — Христа Господа снискавый.
Радуйся, вмале быв верен, над многими поставленный.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 6
Проповедник немолчный тайны Пресвятыя, Единосущныя и Неразделимыя Троицы был еси. Сего ради проповедует Святая Церковь величия Божия, показанная на тебе, святителю Димитрие, яко приял еси дар целити недуги душевныя и телесныя, да вси единым сердцем и едиными усты воспеваем Богу: Аллилуия.
Икос 6
Возсия в возлюбленной Богом душе твоей блистающий истиннаго боговедения свет на освящение и просвещение верных, егоже со сладостию внимающии спасительному учению твоему видяще, верно познаем, яко и в единонадесятый час пришедый равный с древними святыми и богоносными отцы динарий приял еси. Темже восхваляем тя сице:
Радуйся, вместилище добродетелей.
Радуйся, достойное святыни жилище.
Радуйся, море, нечестие мира потопившее.
Радуйся, крине благоуханный, чудесно процветший.
Радуйся, сокровище медоточных учений.
Радуйся, уневестивый душу твою Жениху Христу.
Радуйся, смирения Его истинный подражателю.
Радуйся, иноческую нищету до конца сохранивый.
Радуйся, вшедый с мудрыми в радость Господа твоего.
Радуйся, благовоние Духа Святаго.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 7
Хотя достойным образом совершити подвиг, возложенный на тя от Бога, первее укреплял еси душу свою прочитанием жития святых, предполагая себе подражание оным; таже ощутив пользу, из того проистекающую, не обленился еси быти списателем жизни тех, с нимиже ныне в невечернем свете ликуеши, воспевая Богу: Аллилуия.
Икос 7
Новаго тя о нас молитвенника, целителя душ и телес и ходатая нам спасения вечнаго стяжахом; но благодарным сердцем и усты Богу, толикаго чудотворца в наша времена даровавшему, достойно воспети не могуще, тебе, святителю и великий угодниче Христов Димитрие, похвальная дерзаем приносити сице:
Радуйся, всем скорбящим приятное попечение.
Радуйся, скорый от всякия болезни и безмездный врачу.
Радуйся, злых помыслов прогонителю.
Радуйся, яко твоими молитвами слепыя прозреша.
Радуйся, яко твоим ходатайством хромыя ходити начаша.
Радуйся, яко тобою от многих бесове отгнашася.
Радуйся, яко твоим заступлением разслабленныя исцелеша.
Радуйся, ломотныя и опухлыя уврачевавый.
Радуйся, трясавичных и огневичных болезней целебниче.
Радуйся, от неисцельныя водяныя и каменныя болезни здравы возставивый.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 8
Странно недугом неверия одержимым видети, како в мертвенном теле и тленном возможно ангельское проходити житие непреткновенно, и по успении от единаго с верою прикосновения к телу, нетлением почтенному, дивная совершаются. Мы же на тебе, святителю Димитрие, новое чудес Всемогущаго Бога сбытие слышаще и видяще, молитвами твоими врачуеми, взываем Ему: Аллилуия.
Икос 8
Весь распалився искреннею любовию к Богу, всего себе предал еси воле Его, и вся вещественная и тленная вменив уметы быти, духом, душею и сердцем возжелел еси наслаждатися лицезрением Божиим. Но ныне вся потребная тебе в вечность испросил еси, не забуди и нас, требующих твоего заступления и ходатайства, да тем паче похвальная восписуем ти:
Радуйся, Богу совершенно угодивый.
Радуйся, венец безсмертныя жизни получивый.
Радуйся, насыщаяйся Божия благодати.
Радуйся, пророками, за объяснение их писаний, похваленный.
Радуйся, апостолами, за последование их стопам, ублаженный.
Радуйся, святителями, за единомысленную с ними ревность, прославленный.
Радуйся, мучениками, за списание страданий их, увенчанный.
Радуйся, преподобными, за подражание им во всяком благочестии и чистоте постом и молитвою, к лику их причтенный.
Радуйся, праведниками, за высочайшее твое смирение и труды, превознесенный.
Радуйся, от всех святых радостными приветствиями сретенный.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 9
Всякия беды, скорби и напасти избавляй нас, святе Димитрие, твоими к Богу теплыми молитвами и потщися даровати нам временная благая, к жизни потребная, и вечная, да с тобою купно в селении праведных воспоем Богу: Аллилуия.
Икос 9
Витийство человеческое не возможет изрещи довольно обилие благодати Божия, излиянныя на тебе, святе Димитрие, но любовию твоею побеждаеми, дерзаем воспевати тебе:
Радуйся, насадителю благих.
Радуйся, искоренителю злых.
Радуйся, чистоты селение.
Радуйся, печальных утешение.
Радуйся, отчаянных заступление.
Радуйся, сирот питателю.
Радуйся, обидимых предстателю.
Радуйся, преподобия и правды истинный хранителю.
Радуйся, пресветлый столпе облачный, просвещаяй множеством чудес.
Радуйся, облаче росоносный, погашаяй пламень страстей.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 10
Спасти хотя душу, о плоти твоей нерадил еси, но постом, бдением, молитвами и непрестанными трудами плоть твою удручил еси, яко в тимпане, во умерщвлении телесе благоприятно Богу вопия: Аллилуия.
Икос 10
Стена еси, ограждающая от всех бед, усердно тя в помощь призывающих, святителю Димитрие, яко во всех странах державы нашея ясно проповедуются обильныя чудеса, бывшая у цельбоноснаго твоего гроба. Сего ради ублажаем тя сими:
Радуйся, чаше, источающая нам елей милости Божия.
Радуйся, больных исцеление.
Радуйся, немощных подкрепление.
Радуйся, страждущих скорая помоще.
Радуйся, претыкающихся о камень соблазна наставниче.
Радуйся, обидимых заступниче.
Радуйся, омраченныя просветивый.
Радуйся, просвещенныя утвердивый.
Радуйся, расточенная собравый.
Радуйся, к Небесному немерцающему свету направивый.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 11
Пение немолчное принесл еси Пресвятей Троице, святе Димитрие, ово мыслию, ово гласом, ово словом, ово благотворении; и ныне предстоя Престолу Божественному, моли о воспевающих о тебе: Аллилуия.
Икос 11
Светозарное твое учение, ум небесный являющее, свидетельствуемое ныне нетлением мощей твоих и множеством чудес, явное и действительнейшее средство дарова Человеколюбивый Бог на обличение еретичествующих и на утверждение православных. Ныне святым и медоточным твоим учением упоеннии, с благодарным чувствием вопием ти:
Радуйся, учителю премудрый.
Радуйся, пастырю предивный.
Радуйся, исповедниче непоколебимый.
Радуйся, око слепым.
Радуйся, нога хромым.
Радуйся, рука безпомощным.
Радуйся, главо, наполненная небесным учением.
Радуйся, ластовице богоглаголивая.
Радуйся, источниче златоструйный.
Радуйся, цевнице духовная.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 12
Благодать, данная ти от Бога, целити недуги телесныя и душевныя, святе Димитрие, созывает отвсюду почитающих явление твое и чающих тобою получити просимое от Бога. Темже и мы, припадая, со умилением молим тя: избави нас от зол греховных, да благодарно Ему воспоем: Аллилуия.
Икос 12
Поюще твоя чудеса, святителю Димитрие, восхваляем Бога, даровавшаго тебе таковыя силы исцелений. Ты же не возгнушайся нас, грешных и недостойных рабов Его, но услыши нас, во умилении вопиющих тебе сице:
Радуйся, света неприступнаго зрителю.
Радуйся, Жениху Христу светел светильник сохранивый.
Радуйся, душевредное уныние от себе истребивый.
Радуйся, жестоким путем райских селений достигнувый.
Радуйся, нищетою богатая стяжавый.
Радуйся, смирением получивый высокая.
Радуйся, теснотою пространство вечное снискавый.
Радуйся, поношением Христа ради вечную с Ним славу приявый.
Радуйся, от Святыя Троицы увенчанный.
Радуйся, не гаданием, но лицем к лицу Бога созерцаяй.
Радуйся, Православия ревнителю.
Радуйся, душепагубных расколов искоренителю.
Радуйся, Димитрие, новый и великий чудотворче.
Кондак 13
О великий святителю Димитрие, расколов и ересей искоренителю, приими сие похвальное пение и моли Всемогущаго умирити мир и спасти души наша, всех православно Триипостасному Богу вопиющих: Аллилуия.
(Этот кондак читается трижды, затем икос 1 и кондак 1)
Молитва
О всеблаженный святителю Димитрие, великий угодниче Христов, новый Златоусте, услыши нас, грешных, молящихся тебе, и принеси молитву нашу к Милостивому и Человеколюбцу Богу, Емуже ты ныне в радости святых и с лики Ангел предстоиши. Умоли Его благоутробие, да не осудит нас по беззакониям нашим, но да сотворит с нами по милости Своей, испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от Щедраго Бога, но во славу Его и в прославление твоего заступления. Даруй нам богоугодно прейти поприще временныя жизни, избави нас воздушных мытарств и настави нас на путь, ведущий в селения праведных, идеже празднующих глас непрестанный, зрящих Божия лица неизреченную доброту. Церковь же Святую от ересей и расколов сохрани, верных укрепи, заблуждающих обрати и всем даруй вся, яже ко спасению и славе Божией подобающая; отечество твое сохрани от врагов ненаветно, и подаждь нам всем твое архипастырское и святое благословение, да оным осеняеми, избавимся от козней лукаваго и избегнем от всякия беды и напасти. Услыши моление наше, отче Димитрие, и моли непрестанно о нас Всесильнаго Бога, славимаго и покланяемаго в Триех Ипостасех, Емуже подобает всякая слава, честь и держава во веки веков. Аминь.
Ж И Т И Е
Святитель Димитрий, митрополит Ростовский (в миру Даниил Саввич Туптало), родился в декабре 1651 года в местечке Макарово, недалеко от Киева, в благочестивой семье и вырос глубоко верующим христианином.
В 1662 году, вскоре после переезда родителей в Киев, Даниил был отдан в Киево-Могилянскую коллегию, где впервые раскрылись дарования и незаурядные способности талантливого юноши. Он успешно изучил греческий и латинский языки и ряд классических наук.
9 июля 1668 года Даниил принял монашество с именем Димитрий – в честь великомученика Димитрия Солунского. До весны 1675 года он проходил иноческое послушание в Киевском Кирилловом монастыре, где началась его литературная и проповедническая деятельность. 23 мая 1675 года архиепископ Черниговский Лазарь (Баранович) рукоположил Димитрия во иеромонаха.
В течение нескольких лет иеромонах Димирий подвизался, проповедуя слово Божие, в различных монастырях и храмах Украины, Литвы и Белоруссии. Некоторое время он был игуменом Максимовской обители, а затем Батуринского Никольского монастыря, откуда в 1684 году был вызван в Киево-Печерскую Лавру.
Настоятель Лавры архимандрит Варлаам (Ясинский), зная высокую духовную настроенность своего бывшего ученика, его образованность, склонность к научному труду, а также несомненное литературное дарование, поручил иеромонаху Димитрию составление Четиих-Миней (житий святых) на весь год.
С того времени вся дальнейшая жизнь святителя Димитрия была посвящена выполнению этого подвижнического, грандиозного по своим масштабам труда. Работа требовала огромного напряжения сил, нужно было собрать и проанализировать множество разрозненных источников и изложить их языком, достойным высокого предмета изложения и одновременно доступным всем верующим. Божественная помощь не оставляла святителя на протяжении его двадцатилетнего труда. По свидетельству преподобного, душа его наполнилась образами святых, которые укрепляли его дух и тело, вселяли веру в благополучное завершение его благородного труда. Одновременно с этим преподобный Димитрий был настоятелем нескольких монастырей (поочередно).
Труды подвижника обратили на себя внимание патриарха Адриана. 23 марта 1701 года архимандрит Димитрий был хиротонисан на Сибирскую митрополичью кафедру в город Тобольск. Но через некоторое время из-за важности научного труда и слабого здоровья святитель получил новое назначение в Ростов-Ярославский, куда прибыл 1 марта 1702 года в качестве митрополита Ростовского.
Как и прежде, он продолжал неусыпно заботиться об укреплении единства Православной Церкви, ослабленного старообядческим расколом.
Святитель Димитрий, прибыв в 1702 году на Ростовскую кафедру, прежде всего посетил монастырь святителя Иакова, епископа Ростовского. В соборной церкви в честь Зачатия Пресвятой Богородицы он совершил литургию, после которой при всех присутствовавших в храме определил на правой стороне место своего будущего погребения со словами: «Се покой мой, зде вселюся в век века». Преставился святитель Димитрий 28 октября 1709 года. По его кончине у него не нашли никакого имущества, кроме книг и рукописей.
В 1752 году производился ремонт в соборной церкви монастыря, и 21 сентября, при починке опустившегося пола, было обнаружено нетленное тело святителя Димитрия. Место погребения оказалось сырым, дубовый гроб и находившиеся в нем рукописи истлели, но тело святителя, а также омофор, саккос, митра и шелковые четки сохранились нетленными. После обретения у святых мощей совершалось множество исцелений, о чем было донесено Синоду, по предписанию которого в Ростов прибыли Суздальский митрополит Сильвестр и Симоновский архимандрит Гавриил для освидетельствования мощей святителя Димитрия и происшедших чудесных исцелений. После этого последовал указ Синода от 29 апреля 1757 года о причислении к лику святых святителя Димитрия, митрополита Ростовского, и установлении празднования 28 октября (день преставления) и 21 сентября (день обретения мощей).
Во вдохновенных трудах и проповедях святителя Димитрия многие поколения богословов черпают духовные силы для творчества и молитвы. Для всех православных христиан он остается примером святой, аскетической, нестяжательной жизни.
Святителю Димитрию молятся об успехе в христианской проповеди и просвещении, об избавлении от расколов и ересей, о помощи в бедности, о заступлении вдов и сирот, об исцелении болезней.
По благословению
митрополита Херсонского и Таврического Иоанна