День памяти:

13 января (н. ст.)

 

Тропарь, глас 4

Яко вертоградарь трудолюбивый был еси, святителю отче Петре богомудре, ученьми своими всю землю нашу удобрил еси, молитвами угодников Печерских присно укрепляемь; темже купно с ними Престолу Царя Славы предстоя, молися, во еже паству свою от зловерия суемудрых оградити, град сей и страну нашу от всяких бед избавити, людем же подати мир и велию милость.

 

Кондак, глас 8

Благочестия и догматов отеческих ревнителю, светильниче митрополии Киевския, святителю отче Петре, сподвижник преподобнаго Иова во ограждении Церкви Православныя воистину явился еси и противу козней диавольских безбоязненно вооружился еси; темже и ныне не премолчи о нас молитися ко Господу, во еже спастися душам нашим.

 

Кондак 1

Возбранному воеводе и пастырю, славному святителю Петру составим похвалу, яко во дни лютых гонений в богодухновенных трудах своих запечатлевшему чистоту святыя веры православныя. И ныне молитвами твоими спасай нас от бед и напастей, да с любовию зовем ти: Радуйся, святителю отче Петре, ревностный защитниче веры православныя.

 

Икос 1

Ангелом по ревности в защите веры и спасении душ человеческих подражая, пожил еси, святителю Петре, трудами же твоими богодухновенными ниву церковную уплодоносил еси; сего ради, исполненныя духа любви к тебе, с благодарностию вопием таковая:

Радуйся, ради служения Церкви Христовой богатство, знатность рода и почести земныя оставивый.

Радуйся, заблуждения еретическия в письменах своих обличивый.

Радуйся, Киево-Могилянскую коллегию ради духовнаго просвещения основавый.

Радуйся, поруганныя храмы и обители возстановивый.

Радуйся, святителю мудрый, богослужебныя книги написавый.

Радуйся, православное исповедание веры Собором Вселенских Патриархов и святителей утвердивый.

Радуйся, святителю отче Петре, ревностный защитниче веры православныя.

 

Кондак 2

Видяще благочестивыя родители – воевода Симеон и княгиня Маргарита чадо свое, мудростию и многоразличными познаниями с детства Всевышним одаренное и крепкою любовию ко Христовой Церкви озаренное, в радости воспеваху о нем Богу: Аллилуиа.

 

Икос 2

Разум свой Божественными ученьми просветил еси, святителю отче Петре, отвергнув почестей мира сего суету, православное же исповедание веры своея защищал еси; сего ради богомудрым наследником не токмо царскаго престола, но и делания монашескаго явился еси. Мы же в тебе избранный сосуд благодати Божия ведяще, во умилении вопием сицевая:

Радуйся, рождением своим праздник Рождества Христова предваривый.

Радуйся, Господеви твоему все житие свое посвятивый.

Радуйся, в день памяти святителя Петра родивыйся.

Радуйся, и сам достойным подражателем своего Небеснаго покровителя явивыйся.

Радуйся, щедрый дар приносити Богу и святым Его у родителей научивыйся.

Радуйся, любви ради к Церкви и святыням ея с усердием потрудивыйся.

Радуйся, святителю отче Петре, ревностный защитниче веры православныя.

 

Кондак 3

Сила Божия благодати укрепляше тя, святителю Петре, егда пред иноверными и еретиками веру православную безбоязненно исповедал и защищал еси. Мы же, ведуще сия, о силе духа и ревности твоей поем Богу: Аллилуиа.

 

Икос 3

Имея веру несумненную и помысл чист, на ниве церковней ради духовнаго просвещения и спасения людей неустанно трудился еси. Мы же в приносимых духовных плодах твоих самоотвержению и подвигам твоим удивляяся и в них поучаяся, благодарно вопием ти таковая:

Радуйся, в смутное время архимандритом Киево-Печерския Лавры поставленный.

Радуйся, отъятыя имения и земли обители Киево-Печерския возвративый.

Радуйся, труды духовныя в обители святей приумноживый.

Радуйся, для преподобных богоносных отец Киево-Печерских усердно потрудивыйся.

Радуйся, обитель Киево-Печерскую молитвами к Богородице от напастей оградивый.

Радуйся, в благодарность за помощь молебное пение Пресвятей Владычице сотворивый.

Радуйся, святителю отче Петре, ревностный защитниче веры православныя.

 

Кондак 4

Бурю злословия и мятежа людскаго претерпел еси, но не убоялся еси, святителю Петре, Божественною любовию вся козни врагов и злых человек побеждая; и на всяцем месте и всяк час славя Бога, воспевал еси Ему: Аллилуиа.

 

Икос 4

Слышаще и видяще многую твою добродетель, веру крепку и несумненну, чистоту непорочну и любовь нелицемерну, иерархи православныя избраша и посвятиша тя в митрополиты Киевския. Мы же, видяще тя пастыреначальника богомудра и строителя дому Божия добра и непорочна, с надеждою на молитвы твоя взываем тебе таковая:

Радуйся, царский скипетр на жезл митрополичий пременивый.

Радуйся, скорым шествием по лествице церковнаго чина духовнаго восхождения не затмивый.

Радуйся, благо Церкви Христовой выше всего земнаго выну возносивый.

Радуйся, православное исповедание Апостольския Церкви в трудах своих запечатлевый.

Радуйся, род твой истинным благочестием прославивый.

Радуйся, достойным наследником вящших сынов славнаго рода Могил себе явивый.

Радуйся, святителю отче Петре, ревностный защитниче веры Православныя.

 

Кондак 5

Боготечное светило явился еси всем христианом, святителю отче Петре, ученьми своими всех просвещая и указуя стези правыя, научая Триединому Богу воспевати: Аллилуиа.

 

Икос 5

Видяще православнии людие великия подвиги и труды твоя, во всяком благочестии и чистоте Богу приносимыя, познают в тебе, святителю Петре, крепкий щит и забрало, и во дни скорбных обстояний и блуждания греховнаго, припадающе, вопиют ти таковая:

Радуйся, благословением твоим служити Пассии, тобою составленныя, во дни святыя Четыредесятницы утвердивый.

Радуйся, богослужебныя чины в Требнике своем изложивый.

Радуйся, правило, во еже пети Акафист Успению Божией Матери, в Лавре Печерстей установивый.

Радуйся, книгопечатанием многия люди истиною просветивый.

Радуйся, по всей земли нашей богослужебныя книги распространивый.

Радуйся, молитвами твоими и сродники своя служителями Богу сотворивый.

Радуйся, святителю отче Петре, ревностный защитниче веры православныя.

 

Кондак 6

Проповедником православнаго учения был еси, святителю Петре, святым апостолом в ревности подражая, храмы Божия и обители созидая, православныя пресвитеры мудро поставляя, братолюбию и христианскому житию люди научая, да вси единым сердцем и усты вопиют с тобою Богу: Аллилуиа.

 

Икос 6

Возсиял еси в боголюбивей душе твоей немерцающий свет богопознания, вознося тя на высоту духовнаго совершенства. Тем же светом и мы от тебе просвещаеми, благодарно вопием сицевая:

Радуйся, скит монашеский в Голосеево основавый.

Радуйся, в основание его духовное начало положивый.

Рауйся, церковь в нем святому великомученику Иоанну Сочавскому создавый.

Радуйся, в церкви той часть Креста Господня и мощи святых положивый.

Радуйся, в пустынь сию для подвигов монашеских приходивый.

Радуйся, сад духовный в ней насадивый.

Радуйся, святителю отче Петре, ревностный защитниче веры Православныя.

 

Кондак 7

Хотяй невозбранно духом в Горняя селения возноситися, святителю Петре, в бушующем мире душею надмирно пожил еси, подвигом добрым до конца подвизаяся, труды к трудам прилагая и неустанно достойно и праведно поя Богу: Аллилуиа.

 

Икос 7

В новей обители, в месте пустыннем, подвигом древних подвижников подражая, подвизался еси, святителю отче Петре; темже и нас научи како тихаго пристанища от житейских плаваний достигнути, зовущим тебе таковая:

Радуйся, иночествующим пример монашескаго воздержания показавый.

Радуйся, Божественныя службы ежедневно совершавый.

Радуйся, нощи в бдениях и молитвах проводивый.

Радуйся, вериги на теле своем тайно носивый.

Радуйся, многими земными поклоны и усердием Господеви угодивый.

Радуйся, огнь любве к Богу в сердце твоем до конца жития сохранивый.

Радуйся, святителю отче Петре, ревностный защитниче веры православныя.

 

Кондак 8

Странником и пришельцем в жизни сей скоротечней себе помышлял еси, святителю Петре, мысленно в Горняя душу свою возводя. Мы же, видяще смирение и подвиги твоя, побеждати мир, плоть и диавола у тебе поучаяся, в Троице славимому Богу выну поем: Аллилуиа.

 

Икос 8

Весь исполнен быв любви к Богу и ближним, святителю Христов, спасение всем устрояя, не иский своего, но для пользы многих пожил еси и о Господе свято и праведно почил еси. Мы же, видяще тя и ныне у Престола Всевышняго ходатайства о пастве твоей не оставляющаго, приемля помощь твою и прославляюще тя, благодарно зовем таковая:

Радуйся, труды многия в защиту Православия подъявый.

Радуйся, скорби и напасти не единожды претерпевый.

Радуйся, клевету и поношения даже от единоверных имевый.

Радуйся, мужество в трудных обстояниях сохранивый.

Радуйся, чистоту веры православныя отстоявый.

Радуйся, неколеблющееся благочестие и твердость исповедания Православия до конца сохранивый.

Радуйся, святителю отче Петре, ревностный защитниче веры православныя.

 

Кондак 9

Всяк возраст и всяко сословие, видя ревность твою и труды, святителю отче Петре, молит тя всякия беды, скорби и напасти избавити в нынешнем веце, но и в будущем, любовию твоею побеждаеми, чаем в селениях праведных с тобою купно пети Богу: Аллилуиа.

 

Икос 9

Ветии многовещанныя многою духовною силою слова твоего превозшел еси, святителю Петре, Божию мудрость, величие и силу неведущим открыл еси, на путь спасения всех наставляя. Мы же, видяще твое неусыпное попечение о людех, вопием таковая:

Радуйся, многия труды во устроении митрополии Киевския понесый.

Радуйся, о пастве твоей ревностно болезновавший.

Радуйся, Софию Киевскую от инославнаго пленения свободивый.

Радуйся, святый храм сей иконами украсивый и обновивый.

Радуйся, в храме Святыя Софии время многое непогребенный нетленно пребывый.

Радуйся, сим и по смерти твоей храм сей от чуждых посягательств защитивый.

Радуйся, святителю отче Петре, ревностный защитниче веры православныя.

 

Кондак 10

Спасение вечное наследовал еси, святителю отче Петре, положив душу за словесныя овцы твоя; сего ради освятился еси и неизреченныя милости сподобился еси со Ангелы и всеми святыми в Небесном Царствии пети Богу: Аллилуиа.

 

Икос 10

Стена необоримая явился еси нам, святителю Божий, от враг видимых и невидимых всех прибегающих к твоему небесному заступлению надежно защищая. И ныне обители, грады и страну нашу православную от волков, ищущих погибели нашея, и всякаго лукавствия, коварства и губительства огради, да, ведуще ревность и силу твою в надежде на всегдашнее твое заступление, дерзновенно вопием таковая:

Радуйся, у родителей своих твердому стоянию в вере и благочестии научивыйся.

Радуйся, благотворителем и покровителем храмов и обителей явивыйся.

Радуйся, во благоустроении Успенския Киево-Печерския обители усердно потрудивыйся.

Радуйся, в храме Успения Пресвятыя Богородицы града Львова в митрополита Киевскаго поставленный.

Радуйся, и земное упокоение в храме Успения Богородицы Киево-Печерския обители обретый.

Радуйся, наследство родителей твоих для научения духовнаго завещавый.

Радуйся, святителю отче Петре, ревностный защитниче веры православныя.

 

Кондак 11

В пениих наших всеумиле́нных восхвалим Господа, даровавшего нам тя, святителю Петре, святыя веры православныя поборника и учителя и о спасении душ наших великаго молитвенника, научающаго нас право веровати и воспевати в Троице славимому Богу: Аллилуиа.

 

Икос 11

Светоноснаго светильника неугасаема видим тя, святителю отче Петре, на небе церковнем сияющаго и Божественных милостей благодатные дары и нам, сущим в скорбех, изливающаго. Сего ради, уповая на молитвы твоя, во умилении глубо́цем почитаем тя, святителю Божий, звании сицевыми:

Радуйся, Духа Святаго сосуде избранный.

Радуйся, святителю богомудрый и ревностный.

Радуйся, к сонму святых сопричтенный.

Радуйся, Богом и людьми прославленный.

Радуйся, о почитающих тя молитвенниче неусыпный.

Радуйся, яко во славе святых пребываеши.

Радуйся, святителю отче Петре, ревностный защитниче веры православныя.

 

Кондак 12

Благодать, данную ти от Бога, добре ведуще, святителю Петре, почитаем тя, яко усерднаго молитвенника и ходатая спасения душ наших; сего ради молим тя: испроси у Всемилостиваго Бога даровати согрешениям нашим прощение, веры православныя утверждение, во всяком благом деле вспоможение, домовом, обителем, градом и весям благословение, да выну в радости поем прославляющему тя Богу: Аллилуиа.

 

Икос 12

Воспевая многия твоя и предивныя добродетели, почитаем память твою, добрый пастырю и святителю отче Петре; сего ради непрестанно поминай нас у Престола Господня, да всегда с любовию вопием ти таковая:

Радуйся, непрестанною молитвою на высоту богомыслия возносимый.

Радуйся, в посте и молитве непрестанно пребывавый.

Радуйся, неутомимый проповедниче Евангельския правды.

Радуйся, веры православныя столпе непоколебимый.

Радуйся, яко словесное свое стадо от душепагубных волков сохранивый.

Радуйся, и на кафедре святительстей подвигов иноческих не оставивый.

Радуйся, святителю отче Петре, ревностный защитниче веры православныя.

 

Кондак 13

О всехвальный и предивный угодниче Божий, святителю отче Петре! Приими от нас, грешных и непотребных, сие усердно приносимое тебе моление и твоим непрестанным благоприятным к Богу ходатайством избави нас от внезапныя смерти, от всяких бед и напастей и вечныя муки, защити храмы, обители, веси и страну нашу православную от лукавства и злобы врагов видимых и невидимых, да сподобимся купно с тобою и всеми святыми во веки пети Богу: Аллилуиа.

(Этот кондак читается трижды, затем икос 1 и кондак 1)

 

Молитва

О пречестная и священная главо, и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Петре! Предстоя у Престола всех Царя и наслаждаяся света Единосущныя Троицы и херувимски со Ангелы возглашая песнь Трисвятую, великое же и неизследованное дерзновение имея ко Всемилостивому Владыце, моли спастися паствы Христовы людем, благостояние святых Церквей утверди, архиереи благолепием святительства украси, монашествующия к подвигом добраго течения укрепи; град сей и вся грады и страны добре сохрани, и веру святую непорочну соблюсти умоли; мир весь предстательством твоим умири, от глада и пагубы избави ны и от нападения иноплеменных сохрани; старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующия исцели и везде тепле призывающия тя и с верою и усердно молящияся тебе от всяких напастей и бед ходатайством твоим свободи. Моли о нас, святителю богомудре, Всещедраго и Человеколюбиваго Христа Бога нашего, да и в день страшнаго Пришествия Его от шуияго стояния избавит нас и радости святых причастники сотворит со всеми святыми во веки веков. Аминь.

 

Ж И Т И Е

Будущий святитель Петр (Могила) ро­дил­ся 21 де­каб­ря 1596 го­да в Су­ча­ве и был тре­тьим сы­ном в бла­го­че­сти­вом се­мей­стве высокород­ных мол­дав­ских бо­яр Мо­ги­ла, ко­то­рые в то вре­мя занимали гос­по­дар­ские пре­сто­лы Дунай­ских княжеств. В Кре­ще­нии он был на­ре­чен в честь святи­те­ля Петра, митрополита Киевского, так как ро­дил­ся в день его па­мя­ти.

Первоначальное об­ра­зо­ва­ние Петр по­лу­чил во Львов­ском братском учили­ще в стро­го пра­во­слав­ном ду­хе. Затем про­дол­жил его пу­те­ше­стви­ем за гра­ни­цу, где слу­шал лек­ции в раз­ных универси­те­тах – в част­но­сти, вы­слу­шал курс сло­вес­ных на­ук и бо­го­сло­вия в Парижском университе­те.

Петр слу­жил в поль­ских вой­сках и от­ли­чил­ся в бит­ве под Хо­ти­ном. Однако, ве­ро­ят­но, под вли­я­ни­ем Ки­ев­ско­го мит­ро­по­ли­та Иова (Борец­ко­го), решил оста­вить во­ен­ную служ­бу и при­нять ду­хов­ный сан. В 1625 го­ду он принял монашество и был принят в Ки­е­во-Пе­чер­скую Лав­ру. В то вре­мя здесь со­бра­лось нема­ло вы­со­ко­об­ра­зо­ван­ных и деятель­ных мо­на­хов, шел пе­ре­вод свя­то­оте­че­ских книг, со­став­ле­ние и публикация тру­дов в защиту Пра­во­сла­вия. В та­кой сре­де он до­вер­шил свое об­ра­зо­ва­ние.

В 1627 го­ду, по кон­чине ар­хи­манд­ри­та За­ха­рии, по на­сто­я­нию уче­ных мо­на­хов Петр (Могила) был из­бран архиманд­ри­том Лав­ры. Его по­пе­че­ни­ем была об­нов­ле­на цер­ковь Успе­ния Бо­жи­ей Ма­те­ри, украше­ны свя­тые пе­ще­ры, воз­вра­щен под управ­ле­ние Лав­ры древ­ний Пу­стын­но-Никола­ев­ский монастырь, ос­но­ва­на Го­ло­се­ев­ская пу­стынь, на его средства была устро­е­на бога­дель­ня.

Ар­хи­манд­рит Петр был бли­зок с мит­ро­по­ли­том Иовом (Борецким) – послед­ний, уми­рая, оста­вил ему свою биб­лио­те­ку и назна­чил его своим душеприказчиком. Мно­го сил по­ло­жил он и на ос­нова­ние но­во­го высшего духов­но­го учи­ли­ща при Лав­ре – пер­во­го в сво­ем ро­де в восточ­но­сла­вян­ских зем­лях.

28 ап­ре­ля 1633 го­да, на Фо­ми­ной неде­ле, во Львове архимандрит Петр был хи­ро­то­ни­сан во епи­ско­па с воз­ве­де­ни­ем в сан мит­ро­по­ли­та Ки­ев­ско­го и Галиц­ко­го.

По вступ­ле­нии на мит­ро­по­ли­чий пре­стол митрополит Петр при­сту­пил к устро­е­нию Ки­ев­ской кол­ле­гии, ко­то­рая неиз­мен­но поль­зо­ва­лась его осо­бым вни­ма­ни­ем и по­лу­чи­ла в его честь на­зва­ние Мо­ги­лян­ской. Ки­е­во-Мо­ги­лян­ская кол­ле­гия ста­ла пер­вым выс­шим учеб­ным за­ве­де­ни­ем в во­сточ­но­сла­вян­ских зем­лях. Впо­след­ствии мит­ро­по­лит за­вел еще и низ­шее учи­ли­ще в Вин­ни­це.

Он воз­вра­тил за­хва­чен­ные ра­нее уни­а­та­ми Со­фий­ский со­бор и Выдубицкий мо­на­стырь, вос­ста­но­вил и устро­ил храм Спа­са на Бе­ре­сто­ве и храм Трех свя­ти­те­лей, который от­дал Брат­ско­му мона­сты­рю.

 В 1635 го­ду бы­ли от­ры­ты и очи­ще­ны от раз­ва­лин остат­ки Де­ся­тин­ной церк­ви, под раз­ва­ли­на­ми ко­то­рой об­ре­ли мо­щи рав­ноап­о­столь­но­го кня­зя Влади­ми­ра. Близ ру­ин мит­ро­по­лит Петр в том же го­ду по­са­дил ли­пу. Сред­ства для вос­ста­нов­ле­ния церк­вей и мо­на­сты­рей по­сту­па­ли из Лав­ры, из лич­но­го иму­ще­ства мит­ро­по­ли­та и из по­жерт­во­ва­ний бла­го­че­сти­вых лю­дей.

Боль­шое вни­ма­ние святитель Петр об­ра­щал на из­да­ние цер­ков­ных книг, при­чем тре­бо­вал, чтобы ни­ка­кие кни­ги не пе­ча­та­лись без сли­че­ния их с гречески­ми под­лин­ни­ка­ми. Бы­ли зна­чи­тель­но пе­ре­смот­ре­ны, по­пол­не­ны и изда­ны Слу­жеб­ник, Цвет­ная Три­одь и Треб­ник с важ­ны­ми на­став­ле­ни­я­ми для свя­щен­но­слу­жи­те­лей. Бо­же­ствен­ные служ­бы при мит­ро­по­ли­те ста­ли совершать­ся осо­бо тор­же­ствен­но и бла­го­леп­но. Мит­ро­по­лит Петр де­я­тель­но вво­дил и вос­ста­нав­ли­вал в сла­вян­ской сре­де гре­че­ские мо­лит­вы и чинопоследова­ния. В его Треб­ни­ке, на­при­мер, вве­де­на мо­лит­ва святителя Софро­ния Иеру­са­лим­ско­го на Ве­ли­кое во­до­освя­ще­ние, в его Постной Три­о­ди впер­вые в сла­вян­ском ми­ре по­явил­ся пол­ный Си­но­дик в Неделю Пра­во­сла­вия – один из са­мых зна­чи­тель­ных ве­ро­учи­тель­ных документов Пра­во­слав­ной Церк­ви. В то же вре­мя бы­ли вве­де­ны ряд но­вых для Пра­во­слав­ной Церк­ви чи­но­по­сле­до­ва­ний, наи­бо­лее при­ме­ча­тель­ные из которых – ве­ли­ко­пост­ные Пас­сии в вос­по­ми­на­ние о Стра­стях Хри­сто­вых. 

При святителе Пет­ре бы­ла про­слав­ле­на пра­вед­ная Иули­а­ния, княж­на Оль­шан­ская. Владыка при­ла­гал уси­лия к об­ще­цер­ков­но­му про­слав­ле­нию Печер­ских свя­тых, при нём был со­став­лен Па­те­рик Пе­чер­ский.

В 1640 го­ду мит­ро­по­лит Петр со­брал По­мест­ный Со­бор в Ки­е­ве, на кото­ром бы­ло при­ня­то, по­сле неко­то­рых пра­вок, под­го­тов­лен­ное святителем пра­во­слав­ное ис­по­ве­да­ние ве­ры. На Яс­ском Со­бо­ре в 1642 го­ду это исповедание бы­ло да­лее скор­рек­ти­ро­ва­но и на­прав­ле­но на пе­ре­вод и про­вер­ку к Во­сточ­ным Пат­ри­ар­хам. В 1645 го­ду мит­ро­по­лит опуб­ли­ко­вал од­ну из редакций «Ис­по­ве­да­ния» в Ки­е­ве, по­сле че­го ряд но­вых из­да­ний по­яви­лось на раз­ных язы­ках и по­лу­чи­ло ши­ро­кое хож­де­ние как важ­ный ве­ро­учи­тель­ный доку­мент Пра­во­слав­ной Церк­ви.

Мит­ро­по­лит Петр вполне вла­дел ла­тин­ским и гре­че­ским языками. Жизнь он вёл стро­го ас­ке­ти­че­скую, бла­го­го­вел пе­ред Ки­е­во-Пе­чер­ской Лав­рой и считал ее ме­стом осо­бен­но­го при­сут­ствия Бо­жия.

Пе­ред смер­тью святитель за­ве­щал Ки­ев­ской кол­ле­гии свою биб­лио­те­ку, при­об­ре­тен­ную для нее недви­жи­мую соб­ствен­ность и зна­чи­тель­ную сум­му денег, а на­став­ни­ков ее обя­зал, чтобы они жи­ли по его пра­ви­лам и каж­дый четверг со­вер­ша­ли о нем по­ми­но­ве­ние. Мно­го за­ве­щал он Лав­ре и дру­гим мона­сты­рям и церк­вам, воз­двиг­ну­тым им из раз­ва­лин.

Скон­чал­ся святитель Петр 31 де­каб­ря 1646 го­да, в ночь на 1647 год. Соглас­но за­ве­ща­нию, он был по­гре­бен в скле­пе Успен­ской Ве­ли­кой церк­ви Кие­во-Пе­чер­ской Лав­ры, под ле­вым кли­ро­сом в сред­ней ча­сти хра­ма.

Почти 300 лет тело Киевского архипастыря покоилось в склепе Успенского собора. Но во время Второй мировой войны, в ноябре 1941 года, когда Киев был оккупирован гитлеровскими войсками, Великую Лаврскую церковь взорвали. Взрывчатку заложили именно возле места погребения святителя Петра, поэтому гроб с останками святителя был полностью уничтожен. Остались только серебряные пластины с родовым гербом и эпитафией, которые в 1982 году были найдены при раскопках. На руинах Успенского собора археологи установили место захоронения святителя, определили, из чего был сделан гроб и чем выложен саркофаг. Насколько же пророческими оказались слова митрополита Лазаря (Барановича): «Могила скрыла от нас Могилу!»

В декабре 1996 года Священный Синод Украинской Православной Церкви причислил Киевского митрополита Петра (Могилу) к лику святых.

 

По благословению

митрополита Херсонского и Таврического Иоанна