Еже во плоти житию твоему удивишася Ангельстии чини: како с телом к невидимым сплетением изшел еси, приснославне, и уязвил еси демонския полки; отонюдуже, Афанасие, Христос тебе воздаде богатыми дарованьми, сего ради, отче, моли спастися душам нашим.
Яко невещественных существ зрителя изрядна и деятельна сказателя всеистинна, взывает тя стадо твое, богоглагольниче: не оскудей, моля о рабех твоих, избавитися напастей и обхождений, вопиющим ти: радуйся, отче Афанасие.
Избранный от града Трапезунта и во Афоне постнически просиявый, дивный подвижниче и чудотворче, преподобне отче Афанасие, скорый помощниче и целебниче недугов душевных и телесных, яко имеяй велие дерзновение к прославльшему тя Господу, от всяких нас бед свободи и на спасения стези руководи, да зовем ти хвалебно: Радуйся, преподобне Афанасие, Афонский чудотворче.
Ангелов и всея твари Содетель, избравый Гору Афонскую земным уделом Пречистыя Своея Матере и даровавый ю в вечное достояние иночествующих, яви тя в ней светла светильника, весь собор преподобных украшающа. Темже убо, яко великому угоднику Христову, воспеваем ти сице:
Радуйся, предобрый иноков наставниче.
Радуйся, преславный Ангелов собеседниче.
Радуйся, целомудрия дивное светило.
Радуйся, усерднейший исполнителю поста и воздержания.
Радуйся, духовнаго во Христе жития премудрый учителю.
Радуйся, светлый образе кротости и смирения.
Радуйся, имя твое делы безсмертия оправдавый.
Радуйся, деяние и видение чудно в себе сочетавый.
Радуйся, преподобному Петру Афонскому в равноангельном житии подражавый.
Радуйся, равную с ним на Небеси славу восприявый. Радуйся, преподобне Афанасие, Афонский чудотворче.
Егда, по блаженном успении родителей твоих, еще младенцу ти сущу и не могущу о себе промышляти, Всеблагий Господь Божественным Своим Промыслом устрои едину черноризицу пещися о тебе, и та воспитоваше тя вместо сына, тогда ты, блаженне, видя сию питательницу твою пребывающу в пощении и молитвах, потщался еси, елико бе мощно отрочати, подражати святому тоя житию, поя с нею Христу Богу: Аллилуиа.
Разум Небесный даровася тебе, угодниче Божий, егда в Константинград пришед, в любомудрии книжнем обучитися тщался еси: ибо толико в оном преуспев, яко в мале времени изряден ритор и премудр учитель показался еси. Мы же сице Богом умудренному ти приносим сицевыя немудрыя хвалы:
Радуйся, начало премудрости, страх Божий, правилом жизни себе предложивый.
Радуйся, вся заповеди Господни со тщанием хранивый.
Радуйся, любомудрием твоим суету мира сего ясно разсмотревый.
Радуйся, пещися о душе своей усердно вожделевый.
Радуйся, в юности посту и молитве обучивыйся.
Радуйся, в Священных Писаниих прилежно поучивыйся.
Радуйся, измлада сединою мудрости украсивыйся.
Радуйся, о лишении родителей твоих Господем утешенный.
Радуйся, воздержанием паче неже млеком воспитавыйся.
Радуйся, от сверстных тебе отроков наставником монахов предзнаменовавыйся.
Радуйся, преподобне Афанасие, Афонский чудотворче.
Сила благодати Божией, сочетаваяся благому произволению твоему, поможе ти, блаженне, избежати многоплетенных сетей мира сего и посла тебе святаго старца Михаила, вождя и наставника житию иноческому, в немже до кончины твоея добре подвизался еси, поя Богу: Аллилуиа.
Имея велие желание равноангельнаго жития иноческаго, Царьград оставил еси, блаженне, и обители Малеины достиг, преподобным Михаилом в иноческую власяницу, яко воин в броня, оболчен был еси; и тако мужественно ополчился еси противу невидимых врагов рода человеческаго. Сего ради ублажаем тя сице:
Радуйся, от млада возраста вдавый себе на служение Господу.
Радуйся, Того Единаго паче всего возлюбивый.
Радуйся, Царствия ради Небеснаго честь и славу мира оставивый.
Радуйся, вся временная яко уметы презревый.
Радуйся, плоть духови покоривый.
Радуйся, ум твой в богомыслие вперивый.
Радуйся, помыслы вражия бодро отразивый.
Радуйся, святынею и чистотою Ангелом уподобивыйся.
Радуйся, Кименския обители велие украшение.
Радуйся, Афону слава и благолепие. Радуйся, преподобне Афанасие, Афонский чудотворче.
Славы временныя и почитания от боголюбивых воевод, яко бури и волнения морскаго избегая, Кименскую обитель оставив, во Святую Гору Афонскую, яко в тихое пристанище, достигл еси, преподобне Афанасие, и тамо предался еси в послушание старцев подвижников, поя с ними Христу Богу: Аллилуиа.
Слышаще прот и прочии отцы Святыя Горы сладкое твое Священных Писаний добровещание, удивляхуся силе благодати, из уст твоих исходящей, и прославляху Бога; един же от них, преподобный Павел, пророчески о тебе рече: "Сей, последи нас пришедый, будет первейший добродетелию и славою в Царствии Небеснем". Сего пророчества мы ныне сбытие ведяще, радостно вопием ти:
Радуйся, дивный избранниче Божий.
Радуйся, пречестное Святаго Духа селение.
Радуйся, преподобных отцев восхваление.
Радуйся, проречений их исполнение.
Радуйся, риторе сладковещанный и богомудрый.
Радуйся, краснописче предобрый и трудолюбивый.
Радуйся, благочиния церковнаго ревнителю.
Радуйся, душевредных в храме шептаний искоренителю.
Радуйся, премудрыми твоими и благодатными глаголы благочестивыя воеводы удививый.
Радуся, на спасения стези тех руководивый. Радуйся, преподобне Афанасие, Афонский чудотворче.
Звезды светлее явися миру житие твое, преподобне отче Афанасие: ты бо сам шествуя путем тесным и скорбным, право ведущим в Царствие Небесное, и иных многих научал еси творити волю Господню и представил еси тех Христу Богу добродетельми сияющих, поя с ними: Аллилуиа.
Видя враг рода человеческаго созидание тобою обители ко вселению иночествующих, вельми раздражися и рече другом своим: "О друзи и силы мои! Доколе терпим и не расторгнем враждебника нашего Афанасия?" Ты же, отче, молитвою твоею ко Господу, яко жезлом, поразил еси тех ополчения. Сего ради воспеваем ти сице:
Радуйся, добрый воине Христов.
Радуйся, славный победителю невидимых врагов.
Радуйся, клеветавшия на тя радостно простивый.
Радуйся, враги твоя яко други возлюбивый.
Радуйся, Богом врученному ти стаду добрый пастырь бывый.
Радуйся, словесныя твоя овцы от волков мысленных защитивый.
Радуйся, дар умиления от Бога приявый.
Радуйся, богатство добродетелей собравый.
Радуйся, Самаго Христа Господа в видении зрети сподобивыйся.
Радуйся, яко Того ныне зриши на Престоле Славы сидяща.
Радуйся, преподобне Афанасие, Афонский чудотворче.
Проповедует Гора Афонская труды твоя и подвиги, имиже в удолиих и дебрех ея яко безплотен подвизался еси, преподобне; наипаче же вещает славу твою священная твоя Лавра, в нейже цельбоподательныя мощи твоя почивают, источающия токи чудес и исцелений, верою о тебе поющим Богу: Аллилуиа.
Возсиял еси, преподобне, в бренней плоти светом Небесным, яко пламень огненный, еже ученик твой Герасим сподобився зрети, со ужасом возопи: о, отче! Темже и мы вопием ти:
Радуйся, отче, светом добродетелей твоих мир озаривый.
Радуйся, темныя бесовския полчища из пустыни Афона отгнавый.
Радуйся, сиянием твоего лица ученика твоего удививый.
Радуйся, лютую того болезнь единым словом исцеливый.
Радуйся, в тленней плоти нетленною славою озарен бывый.
Радуйся, огнь любве Божественныя в себе носивый.
Радуйся, во Царствии Отца Небеснаго яко солнце сияющий.
Радуйся, молитвенниче наш ко Христу Богу теплейший.
Радуйся, в бедах скорый помощниче. Радуйся, в печалех великий утешителю.
Радуйся, преподобне Афанасие, Афонский чудотворче.
Хотя христолюбивый воевода Никифор изыти на брань противу нечестивых агарян, моляше отцев Афонских, да помолятся о нем к Богу и да послют тя к нему. Ты же, отче Афанасие, повинуяся отцем, аще и не хотя, путешествовал еси до Крита, и тамо молитвами твоими помогл еси христианом победити агаряны, неведущия пети Богу: Аллилуиа.
Новое умысли зло прелукавый диавол, егда подвиже на зависть единаго от ученик твоих и научи его заклати тя, яко агнца непорочна. Ты же, отче, десницею Вышняго спасен быв, убийцу онаго отечески простил и облобызал еси. Темже вси мы, таковому твоему незлобию дивящеся, хвалебно вопием:
Радуйся, в кротости и смирении твоем Христу Богу подражавый.
Радуйся, незлобием твоим духа злобы победивый.
Радуйся, сокровищ Христовых дражайший бисере, егоже не возможе душегубец похитити.
Радуйся, егоже десница Господня храняше от всех зол.
Радуйся, от внезапнаго убийства спасенный.
Радуйся, смертоносным питием, по слову Господню, неврежденный.
Радуйся, триех мужей, от глада и мраза изнемогших, смерти избавивый.
Радуйся, многих от различных болезней исцеливый.
Радуйся, верныя в Православии утвердивый.
Радуйся, лжеверныя и неверныя посрамивый.
Радуйся, преподобне Афанасие, Афонский чудотворче.
Странное чудо бе видети, егда повелением твоим, отче, в знойное время почерпнутая из моря сланая вода сотворися хладна и сладка, пиющия ю прохладившая и жажду утолившая. Темже убо величаем Господа, даровавшаго тебе таковый дар чудотворения, и во умилении вопием Ему: Аллилуиа.
Дивно явися тебе Матерь Христа Бога нашего, и повеле ти жезлом поразити камень, из негоже абие истече источник водный, иже и до ныне источает воду живу и целебну. Таковому к тебе благоволению Владычицы чудящеся, взываем сице:
Радуйся, яко пресветлое лице Царицы Небесныя зрети сподобился еси.
Радуйся, яко повелением Ея извел еси воду из камене.
Радуйся, яко сим преславным чудом боговидцу Моисею подобен показался еси.
Радуйся, яко с сим великим пророком в райских обителех ныне обитаеши.
Радуйся, яко источник твой благодатно посещаеши.
Радуйся, яко болящим здравие подаеши.
Радуйся, яко прокаженныя очищаеши.
Радуйся, яко нечистыя духи от человек отгоняеши.
Радуйся, яко недужным усердно послужил еси.
Радуйся, яко чревныя и неудобоцелимыя язвы уврачевал еси.
Радуйся, преподобне Афанасие, Афонский чудотворче.
Всяк язык человечь недоумевает по достоянию восхвалити благоволения Царицы Небесныя к подвижником христианским: Та бо в Лавру твою, отче, с двема Ангелома прииде, и учеником твоим Матфием видима бысть в храме, раздающа златницы и цаты усердно предстоящим и поющим Богу: Аллилуиа.
Вси иноцы Горы Афонския блажат тя, отче Афанасие, яко наставника своего и тепла ходатая; не лишены же суть благодатныя твоея помощи и вси православнии людие, с любовию почитающии святую память твою и взывающии сице:
Радуйся, святым и чудным твоим житием святоименный Афон возвеличивый.
Радуйся, небовосходную добродетелей твоих лествицу нам в образ оставивый.
Радуйся, земнаго жребия Матери Божией честное украшение.
Радуйся, иночества православнаго похвало.
Радуйся, за многую твою к согрешающим любовь и милосердие милость Божию получивый.
Радуйся, за великое твое о странных попечение от странствовавшаго нас ради Господа в вечных скиниих славно почтенный.
Радуйся, за славную твою над плотию и диаволом победу венцем славы увенчанный.
Радуйся, за девственную чистоту и сердечную простоту от Приснодевы Марии в ближайшее содружество приятый.
Радуйся, яко благоволением Царицы Небесныя, созданная тобою во имя Ея обитель в твое имя преименовася.
Радуйся, яко день преставления твоего в сей обители светло торжествуется.
Радуйся, преподобне Афанасие, Афонский чудотворче.
Стеною терпения оградився и надеждою вечных благ укрепився, земное странствие тесною стезею прошел еси, преподобне Афанасие, нося ярем поста, многонощнаго бдения и о вверенных тебе душах попечения; ныне же, в Небеснем пребывая блаженстве, помяни нас, восхваляющих тя сице:
Радуйся, крепкий подвижниче, вся разжженныя стрелы лукаваго угасивый.
Радуйся, слез излияньми душу твою чисто омывый.
Радуйся, немощи немощных отечески носивый.
Радуйся, в глубину прегрешений впадшия на гору добродетелей возводивый.
Радуйся, многих великих мужей наставник бывый.
Радуйся, царя Никифора в неисполнении даннаго Богу обета кротко обличивый.
Радуйся, будущая пророчески предвидевый.
Радуйся, далече отстоящая ясно зревый.
Радуйся, Божия славы теплый рачителю.
Радуйся, велений Его ревностный исполнителю.
Радуйся, преподобне Афанасие, Афонский чудотворче.
Песнь благодарения принесл еси, отче, Богу, дивно спасшему тя от потопления морскаго со ученики твоими, егда, действом духа злобы, ладия, в нейже плыл еси, опровержена бысть, и вси в ней сущии, в пучину впадше, не погибоша и воспеша хвалу Господеви: Аллилуиа.
Светом благодати Божия озарен имея твой ум и сердце, преподобне отче Афанасие, таинственно предрекл еси твою страдальческую кончину, в нейже яко мученик под развалинами падшаго храма телом погребся, духом преселился еси в горния обители, в нихже, ходатайством твоим ко Господу, помози водворитися и нам, вопиющим ти сице:
Радуйся, в животе и по преставлении твоем многая и преславная чудеса сотворивый.
Радуйся, от ноги твоея кровь яко миро благовонное чудесно источивый.
Радуйся, на честное погребение твое множество иноков собравый.
Радуйся, во гробе тело твое Небесною радостию светящееся показавый.
Радуйся, помазанием крове твоея болящаго корабленника со одра смертнаго здрава возставивый.
Радуйся, сею же твоею кровию кровоточивую жену уврачевавый.
Радуйся, всех сердца любовию твоею к себе привлекающий.
Радуйся, благоуханием Божия благодати смрад страстей от многих отгоняющий.
Радуйся, светильниче пресветлый, от Горы Афона всему миру православному сияющий.
Радуйся, не точию иноком, но и миряном путь к небу озаряющий.
Радуйся, преподобне Афанасие, Афонский чудотворче.
Благодать велия тебе, отче, от Бога дадеся: добродетельныя человеки на вящшее преуспеяние наставляти, грешныя же к покаянию побуждати, пруги от нив отгоняти и различныя недуги и страсти врачевати. Темже убо смиренно молим тя, отче: не лиши помощи твоея и нас, поющих Богу: Аллилуиа.
Поюще святое, равноангельное твое житие, ублажаем тя, отче Афанасие, яко многомощна молитвенника о нас пред Господем, тепла заступника и наставника ко спасению, и с любовию возглашаем ти сице:
Радуйся, Православныя Церкве похвало.
Радуйся, обители твоея и всея Горы Афонския покровителю.
Радуйся, пустыннаго безмолвия искренний любителю.
Радуйся, общежития мудрый руководителю.
Радуйся, постническаго жития истинный ревнителю.
Радуйся, всех иноческих добродетелей светлый образе и учителю.
Радуйся, яко смирения ради не восхотел еси явити миру мощей твоих.
Радуйся, яко хотящим изъяти оныя из недр земных огнем воспретил еси.
Радуйся, яко до ныне православнии людие покланяются святому твоему гробу.
Радуйся, яко и чудодейственный жезл твой тамо зрим есть.
Радуйся, преподобне Афанасие, Афонский чудотворче.
Преподобне отче Афанасие, изрядный угодниче Христов и великий Афонский чудотворче! Во дни земнаго жития твоего многия на путь правый наставивый и в Царствие Небесное мудре руководивый, скорбныя утешивый, падающим подавый руку помощи и всем любезен, милостив и сострадателен отец бывый; ты ныне, в Небесней пребывая светлости, наипаче умножаеши любовь твою к нам, немощным, в море житейстем различне бедствующим, искушаемым духом злобы и страстьми своими, воюющими на дух. Сего ради смиренно молим тя, святый отче: по данней тебе от Бога благодати помози нам творити волю Господню в простоте сердца и смирении, искушения же вражия победити и свирепое страстей море изсушити; да тако немокренно прейдем житейскую пучину и предстательством твоим ко Господу сподобимся достигнути обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне и присно и во веки веков. Аминь.
Преподобный Афанасий Афонский, в святом Крещении Авраамий, родился в городе Трапезунде и, рано осиротев, воспитывался у одной доброй благочестивой монахини, подражая своей приемной матери в навыках иноческой жизни, в посте и молитве. Учение он постигал легко и вскоре обогнал в науках своих сверстников.
После смерти приемной матери Авраамий был взят в Константинополь, ко двору тогдашнего византийского императора Романа Старшего, и определен учеником к знаменитому ритору Афанасию. В скором времени ученик достиг совершенства учителя и сам стал наставником юношества. Считая истинной жизнью пост и бодрствование, Авраамий вел жизнь строгую и воздержанную, спал мало и то сидя на стуле, а пищей ему служили ячменный хлеб и вода. Когда учитель его Афанасий по слабости человеческой стал завидовать своему ученику, блаженный Авраамий оставил наставничество и удалился.
В те дни в Константинополь прибыл преподобный Михаил Малеин, игумен Киминского монастыря. Авраамий рассказал игумену свою жизнь, открыл ему сокровенное желание стать иноком. Божественный старец, прозирая в Авраамии избранный сосуд Святого Духа, полюбил его и много поучал в вопросах спасения. Однажды во время их духовной беседы святого Михаила посетил его племянник Никифор Фока, известный полководец, будущий император. Высокий дух, глубокий ум Авраамия поразили Никифора и на всю жизнь внушили благоговейное почитание и любовь к святому. Ревность по иноческой жизни снедала Авраамия. Бросив все, он прибыл в Киминский монастырь и, пав в ноги Преподобному игумену, просил облечь его в иноческий образ. Игумен с радостью исполнил его просьбу и постриг его с именем Афанасий.
Длительными постами, бдениями, коленопреклонениями, трудами нощными и денными Афанасий уже вскоре достиг такого совершенства, что святой игумен благословил его на подвиг безмолвия в уединенном месте недалеко от монастыря. Позже, покинув Кимин, он обошел много пустынных и уединенных мест и, наставляемый Богом, пришел на место, называемое Мелана, на самом краю Афона, далеко отстоящее от других иноческих жилищ. Здесь Преподобный построил себе келлию и стал подвизаться в трудах и молитве, восходя от подвига к подвигу к высшему иноческому совершенству.
Враг старался возбудить в святом Афанасии ненависть к избранному им месту, борол его непрестанными помыслами. Подвижник решил потерпеть год, а там, как Господь устроит, так и поступить. В последний день срока, когда святой Афанасий стал на молитву, внезапно осиял его Небесный Свет, исполнив неизреченной радости, все помыслы развеялись, а из глаз потекли благодатные слезы. С тех пор получил святой Афанасий дар умиления, а место своего уединения возлюбил с той же силой, как раньше ненавидел. В то время Никифор Фока, пресытившись воинскими подвигами, вспомнил свой обет стать иноком и просил преподобного Афанасия на его средства устроить монастырь, т. е. построить для него и братий келлии для безмолвия и храм, где бы братия приобщалась по воскресеньям Божественных Христовых Таин.
Избегая забот и попечений, блаженный Афанасий сначала не соглашался принять ненавистное золото, но, видя горячее желание и доброе намерение Никифора и узрев в этом волю Божию, приступил к устройству монастыря. Он воздвиг большой храм в честь святого Пророка и Предтечи Христова Иоанна и другой храм, у подножия горы, во имя Пресвятой Девы Богородицы. Вокруг храма появились келлии, возникла на Святой Горе чудная обитель. В ней были сооружены трапезная, больница и странноприимница и другие необходимые постройки.
В монастырь отовсюду стекалась братия не только из Греции, но и из других стран: простые люди и знатные вельможи, пустынники, подвизавшиеся долгие годы в пустыне, игумены многих монастырей и архиереи желали быть простыми иноками в Афонской Лавре святого Афанасия.
Святой игумен установил в обители общежительный устав по подобию древних палестинских обителей. Богослужения совершались со всей строгостью, никто не дерзал разговаривать во время службы, опаздывать или выходить без нужды из храма.
Сама Пречистая Богородица, Небесная Владычица Афона, благоволила к святому. Много раз он удостаивался видеть Ее чувственными очами. Попущением Божиим, случился в монастыре такой голод, что иноки один за другим стали покидать Лавру. Преподобный остался один и в минутной слабости тоже помыслил уйти. Вдруг он увидел Женщину под воздушным покрывалом, идущую ему навстречу. "Кто ты и куда идешь?" - тихо спросила Она. Святой Афанасий с невольной почтительностью остановился. "Я здешний инок", - отвечал святой Афанасий и рассказал о себе и своих заботах. "И ради куска хлеба насущного ты бросаешь обитель, которой предстоит прославиться в роды и роды? Где твоя вера? Воротись, и Я помогу тебе". "Кто ты?", - спросил Афанасий. "Я Матерь Господа твоего", - отвечала Она и повелела Афанасию ударить жезлом в камень, так что из трещины пробился источник, который существует и ныне, напоминая о чудном посещении.
Число братии росло, в Лавре шли строительные работы. Преподобный Афанасий, провидя время своего отхода ко Господу, пророчествовал о своей близкой кончине и просил братию не соблазниться о том, что произойдет. "Ибо иначе судят люди, иначе устрояет Премудрый". Братия недоумевала и размышляла над словами Преподобного. Преподав братии свои последние наставления и утешив всех, святой Афанасий зашел в свою келлию, надел мантию и священный куколь, который надевал только по великим праздникам, после продолжительной молитвы вышел. Бодрый и радостный, святой игумен поднялся с шестью братиями на верх храма осмотреть строительство. Вдруг, неведомыми судьбами Божиими, верх храма обрушился. Пятеро братий тотчас предали свой дух Богу. Преподобный же Афанасий и зодчий Даниил, заваленные камнями, остались живы. Все слышали, как Преподобный призывал Господа: "Слава Тебе, Боже! Господи, Иисусе Христе, помоги мне!" Братия с великим плачем начали откапывать своего отца из-под развалин, но нашли его уже скончавшимся.
По благословению
митрополита Херсонского и Таврического Иоанна