Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на ОКТЯБРЬ

 

Ночные литургии в ОКТЯБРЕ:

в ночь с 7 на 8 четверга на пятницу)

с 29 на 30 (заупокойная) пятницы на субботу)

 

До 16 октября в Свято-Духовском кафедральном соборе Херсона пребывает

ПОЧАЕВСКАЯ ИКОНА БОЖИЕЙ МАТЕРИ.

Ежедневно в 12.00 совершается молебен с акафистом   
 

Акафист мученикам ЕВЛАПИЮ и ЕВЛАМПИИ

 

День памяти:

23 октября (н.ст.)

 

Тропарь, глас 4

Му́ченицы Твои, Господи, во страда́ниих своих венцы́ прия́ша нетле́нныя от Тебе, Бога нашего, иму́ще бо крепость Твою, мучителей низложи́ша, сокруши́ша и де́монов немощны́я де́рзости; тех молитвами спаси́ ду́ши наша.

Кондак, глас 8

До́блия мученики и бра́тию по пло́ти, му́драго Евла́мпия и Евлампи́ю, почти́м, ти́и бо пребеззако́нных козноде́йства посрами́ша силою Распе́ншагося; сего́ ради яви́шася мучеников слава, ку́пно и похвала́.

 

Кондак 1

Избра́нную дво́ицу божественную, богому́драго Евла́мпия и всечестну́ю Евлампи́ю в пе́снех священных почтим и, яко молитвами сих от бед избавля́еми, благодарственно возопии́м: радуйтеся, Евла́мпие и Евлампи́е, мученицы Христовы всехвальнии.

 

Икос 1

Ангелоподо́бныя чистоты неле́ностнии подража́тели бы́сте, предо́блии мученицы, и яко сосу́ды чистыя, Духа Святаго преиспо́лненнии, явилися есте́. Те́мже всяк возраст и род, песносло́вяще о вас Господа, зва́нии почитают вас си́ми:

Радуйтеся, от благороднаго ко́рене благоуха́ннии прозябе́ния.

Радуйтеся, Церкве Христовы изя́щнии украшения.

Радуйтеся, яко верных сердца́ благодатию просветили есте́.

Радуйтеся, яко ко́знем миродержи́теля ополчи́лися есте́.

Радуйтеся, му́ченическою кровию одея́ния душ ваших убели́вшии.

Радуйтеся, от руки́ Господни венцы нетленныя восприя́вшии.

Радуйтеся, Евла́мпие и Евлампи́е, мученицы Христовы всехвальнии.

 

Кондак 2

Видя гонения нечестиваго Максимиа́на на христианы, не убоялся еси, богомудре Евла́мпие, безумнаго веле́ния царскаго, повелевающаго избива́ти братию твою во Христе Иисусе; Господеви же, прославляющему славящих Его, велегласно воспел еси: Аллилуия.

 

Икос 2

Разум богопросвеще́н име́я, страстотерпче Христов, безбоязненно на суди́лище неправедном предстал еси и Бога Истиннаго дерзновенно пред всеми испове́дал еси. Мы же, прославляя Господа, силою Своею тя укрепившаго, взываем:

Радуйся, ласка́тельством и ле́стию нечестиваго судии́ не уловле́нный.

Радуйся, во уповании своем на помощь Божию не посра́мленный.

Радуйся, яко мучений лютых не убоялся еси.

Радуйся, яко нечестивых собо́рище посрамил еси.

Радуйся, истины небоя́зненный проповедниче.

Радуйся, веры православныя побо́рниче.

Радуйтеся, Евла́мпие и Евлампи́е, мученицы Христовы всехвальнии.

 

Кондак 3

Силою Божиею свыше укрепле́нный, страстоте́рпче святый Евла́мпие, мужественно за Христа мучения ве́лия претерпел еси, укрепляющему тя во страданиих твоих Господеви поя́: Аллилуия.

 

Икос 3

Име́яй твердую веру во Христа, добропобе́дне мучениче, не убоялся еси лютых преще́ний, мучителем проти́ву тебе воздвигнутых, оба́че очи своя к Небеси устремляя, славу Божию воспевал еси. Темже и мы славим дивную крепость твою си́це:

Радуйся, яко мирско́е омраче́ние отве́ргл еси.

Радуйся, яко к свету невеще́ственному прибли́жился еси.

Радуйся, немилосердных мучителей суровство́ низложи́вый.

Радуйся, врага рода человеческаго немощны́я дерзости сокруши́вый.

Радуйся, к Божественней славе зряще, Небесныя славы сподо́бивыйся.

Радуйся, любовию ко Христу пламе́нея, лику святых приобщи́выйся.

Радуйтеся, Евла́мпие и Евлампи́е, мученицы Христовы всехвальнии.

 

Кондак 4

Бурею христоуби́йственною одержи́м, судия́ неправедный новым мукам предаде́ тя, многострада́льне Евла́мпие, ненасы́тную ярость свою утоля́я, не ве́дуще пети: Аллилуия.

 

Икос 4

Слыша о по́двизе испове́дания твоего, и мы, недостойнии, к помощи твоей прибегаем, всеславне Евла́мпие, и, прославляюще дивное терпение твое, со умилением сердечным воспеваем ти:

Радуйся, к Богу Истиному ве́лие раче́ние име́вый.

Радуйся, за Христа даже до смерти вся мучения претерпе́вый.

Радуйся, воздержанием и смирением страсти твоя умертвивый.

Радуйся, стоя́нием в вере вся де́монския полки́ попали́вый.

Радуйся, яко язы́ком твоим богоглаго́ливым в правове́рии сла́быя укрепил еси.

Радуйся, яко многия чрез страдания твоя ко Христу привел еси.

Радуйтеся, Евла́мпие и Евлампи́е, мученицы Христовы всехвальнии.

 

Кондак 5

Боготе́чней звезде подобен был еси, мучениче Евла́мпие, чудесным бо востанием со одра́ разжже́ннаго, силу Божию, в не́мощи совершаемую, всем предстоя́щим на суди́лище явил еси, да просветятся светом Христовым и воспоют Творцу: Аллилуия.

 

Икос 5

Ви́дяще лю́дие чудеса Божия, на тебе быва́емая, многобо́жия языческаго отмета́хуся и в вере в Истиннаго Бога укрепля́хуся, да не погибнут во тьме нечестия и наследуют жизнь вечную. Сего ради и мы просим тя: моли спастися душа́м нашим, поющим ти такова́я:

Радуйся, яко юн сый ле́ты, адаманта тверде́е в правове́рии явился еси.

Радуйся, яко преславным мучеником приложи́лся еси.

Радуйся, кровию своею одея́ние души́ твоея́ убели́вый.

Радуйся, чашу страданий до конца испи́вый.

Радуйся, исцелений безме́здный подателю.

Радуйся, о спасении нашем пред Богом предстателю.

Радуйтеся, Евла́мпие и Евлампи́е, мученицы Христовы всехвальнии.

 

Кондак 6

Проповедником истины Христовы явился еси, страстоте́рпче Евла́мпие, именем бо Христовым идолы богоме́рзския в ка́пище нечестивых до́лу низве́ргл еси, люди же ослепле́нныя к Богу привел еси, научая их пети Ему: Аллилуия.

 

Икос 6

Возсиял еси, яко светоза́рное светило, мучениче добропобе́дный, славным житием твоим Господа прославляя и то́кмо Его Единаго паче всего любити вразумля́я. Темже и нас молитвами твоими в Небесныя обители приведи, воспевающих ти си́це:

Радуйся, яко за имя Христово душу свою положил еси.

Радуйся, яко чрез мучения в Го́рния обители восше́л еси.

Радуйся, раны плотски́я, яко безплотный, претерпе́вый.

Радуйся, су́етность и пре́лесть мира сего презревый.

Радуйся, правыя веры непреодоле́нный поборниче.

Радуйся, Евангельских заповедей неустанный проповедниче.

Радуйтеся, Евла́мпие и Евлампи́е, мученицы Христовы всехвальнии.

 

Кондак 7

Хотя́й ку́пно с тобою жизнь вечную насле́довати, сестра твоя, блаженная Евлампи́я, посреде́ суди́лища предста́ и веру свою во Христа пред мучителем испове́да; ты же, богомудре Евла́мпие, за таковое промышление Божие о спасении вашем возблагодарил еси Бога, поя Ему: Аллилуия.

 

Икос 7

Новое чудо соде́ла Господь, мученицы святии, егда́ благоволи́ прославити вас и явити на вас благодать Свою: в кипя́щем бо котле́ сотвори невреди́мы телеса́ ваша; людие же, видявще сия, зело́ дивля́хуся и, во Христа уве́ровавше, христианами себе испове́даша и смерть му́ченическую прия́ша. Мы же со умилением поем вам:

Радуйтеся, мучений о́блаки терпели́вно прешедшии.

Радуйтеся, яко солнце благодатию Спа́совою возсиявшии.

Радуйтеся, братскою любовию божественне связу́еми, подо́бными боле́зньми светло украси́вшиися.

Радуйтеся, исцеляти недуги благодать свыше приявшии.

Радуйтеся, любовию ко Христу распаля́еми, всю мирску́ю лесть истинно презревшии.

Радуйтеся, просветившеся Тро́йческим сия́нием, идольское омраче́ние разруши́вшии.

Радуйтеся, Евла́мпие и Евлампи́е, мученицы Христовы всехвальнии.

 

Кондак 8

Странно бе видети и слышати нечестивому мучителю и и́же с ним, неве́дущим силы Божия, како в немощне́м человечестем телеси́ претерпеваете таковы́я за Христа муки, дво́ице блаженная. Мы же, славяще Бога, даровавшаго вам таковую крепость, с любовию взываем: Аллилуия.

 

Икос 8

Всежела́нный и Сладчайший Иисус, Егоже вы всею душею возлюби́сте, слыша ваше теплое моление в пещи́ о̂гненней, песнь трие́х отроков воспевающих, обрати́ жар в хлад и паки неврежде́нны вас сотвори. Темже и мы приносим вам сицева́я:

Радуйтеся, пе́щный пла́мень молитвами вашими ко Господу поправшии.

Радуйтеся, блаженство вечное в Царствии Небеснем приявшии.

Радуйтеся, росою божественною, с Небесе снизше́дшею, ороси́вшиися.

Радуйтеся, мужественно за Христа пострадавше, венцами нетленными украси́вшиися.

Радуйтеся, яко на ка́мени Спа́сове я́ве себе утвердили есте́.

Радуйтеся, яко крове́й ваших излия́нием идольския кро́вныя жертвы упраздни́ли есте́.

Радуйтеся, Евла́мпие и Евлампи́е, мученицы Христовы всехвальнии.

 

Кондак 9

Всякое естество Ангельское возрадовашеся мужеству вашему, святии мученицы Евла́мпие и Евлампи́е, не убоялися бо есте́ даже до смерти мучения ве́лия за Христа претерпети; сего ради научаете и нас в злострада́ниих различных не малоду́шествовати, но на Единаго Бога все упование свое возлагати, взывая Ему: Аллилуия.

 

Икос 9

Вети́йство человеческое не возможет изрещи́ всего величия подвига вашего, страстотерпцы святии, его́же вы за Христа подъяли есте́. Но мы, аще и недоуме́ем восхвалити вас по достоя́нию, воспеваем  си́це:

Радуйтеся, за до́блестныя страдания венцы от руки́ Господни приявшии.

Радуйтеся, не себе, но Творцу своему добре угождавшии.

Радуйтеся, яко вами дивен Бог во святых Своих является.

Радуйтеся, яко вами имя Христово во всем мире прославляется.

Радуйтеся, православных христиан укрепление.

Радуйтеся, всех притекающих к вам утешение.

Радуйтеся, Евла́мпие и Евлампи́е, мученицы Христовы всехвальнии.

 

Кондак 10

Спастися хотя от погибели вечныя и жизнь блаженную во Царствии Христовом наследовати, мученицы святии, в ру́це Божии безбоязненно ду́ши своя преда́ли есте́, воспевая Ему: Аллилуия.

 

Икос 10

Стеною молитв ваших, страстотерцы Христовы, от всяких бед и напа́стей нас ограждайте, да, охраняеми вами на всех путях жития нашего, со благодарением зовем вам сицева́я:

Радуйтеся, благочестно живущим предивнии помощницы.

Радуйтеся, верующим во Христа преславнии заступницы.

Радуйтеся, язвы душевныя еле́ем молитв ваших исцеляющии.

Радуйтеся, вода́ми жизни а́лчущих правды напая́ющии.

Радуйтеся, яко милостивое предстательство ваше верным являете.

Радуйтеся, яко хода́тайством вашим ка́ющияся грешницы покрываете.

Радуйтеся, Евла́мпие и Евлампи́е, мученицы Христовы всехвальнии.

 

Кондак 11

Пение всеумиле́нное приносим вам, достоблаже́ннии Евла́мпие и Евлампи́е, прославляем дивное житие и славим му́ченическую кончину вашу, Богу, укреплявшему вас, поя: Аллилуия.

 

Икос 11

Свет Небесный осия́ ду́ши ваша, к Создателю своему с ангельским пением вознося́щиися, блаженнии страстотерпцы. Темже, у Престола Пресвятыя Троицы предстоя́, вознесите молитвы ваша и о нас, грешных, хвалебно поющих вам сицева́я:

Радуйтеся, яко память ваша с похвалами на земли́.

Радуйтеся, яко мзда ваша многа на Небеси.

Радуйтеся, чистым сердцем Бога зря́щии.

Радуйтеся, славословия непрестанно Ему воспевающии.

Радуйтеся, Го́рняго Иерусалима блаженнии жи́телие.

Радуйтеся, Пресвятыя Троицы до́блестнии служи́телие.

Радуйтеся, Евла́мпие и Евлампи́е, мученицы Христовы всехвальнии.

 

Кондак 12

Благодать от Бога прияли есте́, святии мученицы, болящия исцеляти, скорбящия утешати, малоду́шныя укрепляти, всех же благочестно жити хотящих на путь правыя жизни во Христе наставляти, со умилением поющих: Аллилуия.

 

Икос 12

Поюще дивныя подвиги ваша и мученическую кончину, дво́ице святая, восхваляем мужество и терпение ваше, крепость и силу в  страданиях за Христа,  взывая си́це:

Радуйтеся, вдов и сирот милостивии пита́телие.

Радуйтеся, в де́вственней чистоте пребывающих храни́телие.

Радуйтеся, скорбящих и унывающих ра́дование.

Радуйтеся, коле́блющихся в вере укрепление.

Радуйтся, яко с Небесе на нас призираете.

Радуйтеся, яко молитвы наша ко Господу возно́сите.

Радуйтеся, Евла́мпие и Евлампи́е, мученицы Христовы всехвальнии.

 

Кондак 13

О преславнии страстотерпцы Христовы Евла́мпие и Евлампи́е, приими́те сие хвалебное пение наше и молите Господа, да да́рует нам до конца пребывати во Святей Церкви Своей, да простит нам вся прегрешения наша и сподобит с вами и со всеми святыми воспевати Ему: Аллилуия.

 

(Этот кондак читается трижды, затем икос 1 и кондак 1)

 

Молитва

Святи́и мученицы Евла́мпие и Евлампи́е! При́зрите с Небеснаго черто́га на требующих вашея по́мощи и не отве́ргните прошений наших, но, яко при́снии благодетели и хода́таи наши, моли́те Христа Бога, да человеколюби́в и многомилостив сый, сохранит нас от вся́каго лю́таго обстоя́ния: от труса, потопа, огня, меча, нашествия иноплеме́нников и междоусо́бныя брани; да не осу́дит нас, грешных, по беззакониям нашим,  да не во зло обратим блага́я, да́руемая нам от Всеще́драго Бога, но во славу свята́го имени Его и в прославление крепкаго вашего заступления. Да молитвами вашими даст нам Господь мир помыслов, воздержание от па́губных страсте́й и от вся́кия скверны; да укрепит во всем мире Свою́ едину Святую, Соборную и Апостольскую Церковь, ю́же стяжа́л есть честно́ю Своею Кровию. Моли́теся прилежно, святии мученицы, да вси мы в мире и благочестии поживем в настоящем ве́це и достигнем блаженныя вечныя жизни на Небеси́ благодатию Господа нашего Иисуса Христа, Ему́же подобает всякая слава, честь и держава со Отцем и Святым Духом, ныне и присно и во веки веков. Аминь.

 

Ж И Т И Е

 

Святые мученики Евла́мпий и Евлампи́я, родные брат и сестра, жили в начале IV века в городе Никомидии. Прочитав указ императора Максимиана (284–305) об осуждении каждого христианина на смертную казнь, Евлампий возмутился, что император вместо борьбы с врагами отечества вооружается против своих подданных.

Юношу повели на суд и потребовали отречения от христианской веры. За отказ, Евлампия вначале истязали железными орудиями, а затем положили на раскаленный железный одр. Внезапно старадалец изъявил желание посетить языческий храм. Судьи обрадовались, полагая, что сломили дух юного христианина. В капище Марса святой воскликнул: «Именем Господа Иисуса Христа повелеваю тебе, идол немой и бездушный, пади на землю и обратись в прах!». Идол с грохотом рухнул на землю. Народ возгласил: «Един Бог христианский, великий и сильный!» Святой снова был взят на мучения.

В это время сестра страдальца Евлампия явилась пред судьями и объявила, что она тоже христианка. Евлампий ободрял сестру: «Не убойся, сестра, убивающих тело, души же не могущих убить» (Мф. 10, 28). После пыток мучеников бросили в раскаленную печь, но Господь и от огня сохранил их. Наконец, брата обезглавили, а сестра скончалась от мук.

 

По благословению

митрополита Херсонского и Таврического Иоанна

Опубликована: 30.07.2021