Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на ИЮЛЬ

 

Акафист праведной ВЕРОНИКЕ

 

День памяти:
25 июля (н. ст.)

 

 

Тропарь, глас 4

Обретши исцеление от Христа Бога, Тому угодила еси житием добродетельным и чистотою; темже, Небесныя причастившися славы, молися Господу, Веронико святая, о благохвалящих деяния твоя.

 

Кондак, глас 4

Ко Христу притекла еси теплою верою, и от Того улучивши, всечестная, исцеление, добродетели твоея ради, нас сподоби, Веронико, вышния светлости.

 

Кондак 1

Избранная угоднице Христова, святая праведная Веронико, похвальная воспеваем ти, память твою благоговейно почитающе. Ты же, яко имеяй дерзновение ко Господу, моли даровати здравие душевное и телесное всем с любовию тебе зовущим: Радуйся, Веронико, в вере и благочестии нас укрепляющая.

 

Икос 1

Ангелов Творца и Создателя всяческих благостыню на себе познала еси, Веронико, веры твоя ради: ты бо, велие упование на милосердие Божие имущи, ко Христу притекла еси, исцеление от Него тайно прияти хотяще; темже, улучивши желаемое, и видящи, яко не утаися намерение твое, исповедала еси пред Господем како исцелися от недуга своего. Мы же, таковую милость, на тебе бывшую, поминающе, восхваляя Господа, воспеваем ти:

Радуйся, добродетельми христианскими, яко звезда лучезарная, дивно сияющая.

Радуйся, славу Господеви велегласно воспевающая.

Радуйся, веру во Единаго Истиннаго Бога безбоязненно исповедавшая.

Радуйся, приимши крест свой, за Христом неленостно последовавшая.

Радуйся, в лице праведных жен на Небесех ликовствующая.

Радуйся, со Христом в чертозе Его соцарствующая.

Радуйся, Веронико, в вере и благочестии нас укрепляющая.

 

Кондак 2

Видя Господь крепкую веру твою, Веронико, с неюже в сердце ты, пришедши созади в народе, прикоснулася еси ризе Его, глаголюще в себе: «Яко аще прикоснуся ризам Его, спасена буду», — рече ти: «Дщи! Вера твоя спасе тя; иди в мире и буди цела от раны твоея». Ты же, припадши к Нему, возопила еси: Аллилуия.

 

Икос 2

Разумом ко спасению свыше просвещенная, преславная Веронико, все житие свое в руце Спасителя твоего вверила еси и Его Единаго всем сердцем и всею душею возлюбила еси. Сего ради, похваляя велие благоразумие твое, зовем ти сице:

Радуйся, в пристанище благо­отишное мужественно устремившаяся.

Радуйся, треволнений мирских мятежей не убоявшаяся.

Радуйся, яко плоть свою презирати, преходит бо, научала еси.

Радуйся, яко прилежати о души, вещи безсмертней, вразумляла еси.

Радуйся, путем Христовым последовати возжелавшая.

Радуйся, добродетельми себе украсившая.

Радуйся, Веронико, в вере и благочестии нас укрепляющая.

 

Кондак 3

Силою Вышняго осененная и благодатию Духа Святаго преисполненная, богомудрая Веронико, немощь естества женскаго отложила еси и в броню исповедания Христова облеклася еси, Подвигоположнику Христу взывая выну: Аллилуия.

 

Икос 3

Имущи пламенную любовь ко Христу, блаженная Веронико, Того живоносным стопам последовала еси; плоть же свою распяв со страстьми и похотьми, многокозненнаго врага низложила еси; по скончании же жития твоего венец нетленный от руки Вседержителя восприяла еси, и ныне прилежно молишися Ему о всех поющих тебе таковая:

Радуйся, любовию ко Христу сердце свое просветившая.

Радуйся, яко кадило благоуханное, душу твою Господеви возносившая.

Радуйся, яко богатство мира тленнаго возненавидела еси.

Радуйся, яко богатства нетленнаго на Небеси взыскала еси.

Радуйся, красотою души твоея просиявшая.

Радуйся, от руки Господни венца Небеснаго сподобльшаяся.

Радуйся, Веронико, в вере и благочестии нас укрепляющая.

 

Кондак 4

Бурю жития временнаго протекла еси, святая Веронико, ко пристанищу жизни вечныя Духом Святым наставляема; ныне же со Ангелы Избавителя песнословиши и молишися непрестанно о нас, яко да благодать и милость дарует нам Христос, поющим Ему: Аллилуия.

Икос 4

Имея выну пред очами своими Христа, тя исцелившаго, всечестная Веронико, ревностно подвизалася еси во славу Божию во вся дни живота твоего, и тем Господеви угодила еси. Сего ради, поминая подвиги и труды твоя, со умилением зовем ти сицевая:

Радуйся, о телесной доброте небрегшая.

Радуйся, о чистоте души своея поревновавшая.

Радуйся, сердце свое от всякия душевредныя вещи сохраншая.

Радуйся, велие дерзновение ко Христу стяжавшая.

Радуйся, веры христианския не­устрашимая исповеднице.

Радуйся, о всех имя твое призывающих дерзновенная предстательнице.

Радуйся, Веронико, в вере и благочестии нас укрепляющая.

 

Кондак 5

Боготечней звезде уподобилася еси, славная Веронико, всем желающим жития христианскаго спасительный путь к Истинному Богу указующи, научая пети: Аллилуия.

 

Икос 5

Видяще чудеса многия, Господом Иисусом Христом совершаемыя, обрела еси веру истинную, праведная Веронико, до самыя смерти верность Христу сохраняя. Сего ради приими от нас похвалы сия:

Радуйся, любовь Христову в сердце своем возгревавшая.

Радуйся, еюже душу свою выну услаждавшая.

Радуйся, яко славною кончиною праведность жития твоего запечатлела еси.

Радуйся, яко по кончине своей в райских обителех Господа узрела еси.

Радуйся, пред Престолом Божиим во славе предстоящая.

Радуйся, о спасении душ наших Господу молитвы возносящая.

Радуйся, Веронико, в вере и благочестии нас укрепляющая.

 

Кондак 6

Проповедницею милости Божия к людем была еси, богомудрая Веронико, возвещала бо еси о Христе, Иже Един есть Спаситель, всякаго человека вводящий в жизнь вечную, вопиющаго Ему в покаянии: Аллилуия.

 

Икос 6

Возсия в душе твоей свет Хрис­тов, святая Веронико, и Божес­твенною благодатию освятися все естество твое. Просвети убо и нас, омраченных грехами многими, вопиющих ти таковая:

Радуйся, Христова учения блаженная последовательнице.

Радуйся, во тьме неверия блуждающим наставнице.

Радуйся, скорби многия за имя Господне приявшая.

Радуйся, яко светильник златозарный посреде жен благочестивых возсиявшая.

Радуйся, яко терпением твоим козни вражия победила еси.

Радуйся, яко в добродетелех хрис­тианских жизнь свою проводила еси.

Радуйся, Веронико, в вере и благочестии нас укрепляющая.

 

Кондак 7

Хотяще Господеви благоугодити и в радость вечную Его внити, молим тя, праведная Веронико: научи нас добродетельному и богоугодному житию, да вопием о тебе Спасителю нашему: Алли­луия.

 

Икос 7

Вся заповеди Божия соблюдала еси, святая Веронико, темже и нам помози волю Божию исполняти и во всем Ему послушными быти, воспевающим ти таковая:

Радуйся, яко многия ко Христу привела еси.

Радуйся, яко веру колеблющихся укрепила еси.

Радуйся, Бога о нас непрестанно умоляющая.

Радуйся, Пресвятей Троице покланятися нас научающая.

Радуйся, ныне на Небесех достойно утешающаяся.

Радуйся, лицезрения Божия вы­ну наслаждающаяся.

Радуйся, Веронико, в вере и благочестии нас укрепляющая.

 

Кондак 8

Странствие твое на земли пре­славно скончала еси, блаженная Веронико, и в Небесное отечество вселилася еси; ныне же, пред Престолом Божиим предстоя, не забуди и нас, недостойных, вопиющих Спасителю всех: Аллилуия.

 

Икос 8

Всю себе Всемилостивому Богу предала еси, праведная Веронико, неленостно во благовестии Евангелия Христова потрудившися. Настави убо и нас Господеви ревностно служити и ближних, по заповеди Его, нелицемерно любити, да зовем ти во умилении таковая:

Радуйся, яко мудрая евангельская дева светильник свой горящим сохранившая.

Радуйся, душу свою елеем доб­рых дел умастившая.

Радуйся, ветхаго человека совлекшаяся.

Радуйся, в ризу спасения облекшаяся.

Радуйся, ко Господу велие дерзновение имущая.

Радуйся, на путь спасения верных наставляющая.

Радуйся, Веронико, в вере и благочестии нас укрепляющая.

 

Кондак 9

Все естество Ангельское удивила еси, преславная Веронико, егда страждущему Господу Иисусу Хрис­ту, шедшему на Голгофу, платом Божественный лик Его отерала еси, вопия к Нему из глубины сердечныя: Аллилуия.

 

Икос 9

Ветии многоглаголивии не могут по достоянию воспети подвиги и труды твоя, святая Веронико, яже за Христа неленостно понесла еси; мы же ублажаем тя пении сими:

Радуйся, за Христом на Голгофу по скорбному пути шедшая.

Радуйся, Нерукотворенный Образ Спасов обретшая.

Радуйся, венцем неувядаемым украшенная.

Радуйся, блаженством нескон­чае­мым утешенная.

Радуйся, яко звезда на небеси церковнем сияющая.

Радуйся, состраданию и милосердию нас научающая.

Радуйся, Веронико, в вере и благочестии нас укрепляющая.

 

Кондак 10

Спасти хотяще души наша, Гос­подь и Бог наш Иисус Христос показа нам тобою, святая Веронико, како верно шествовати по пути спасения, да и мы достойно пройдем его и воспоем купно с тобою: Алли­луия.

 

Икос 10

Стеною молитв твоих ограждаеми, праведная Веронико, прославляем подвиги и труды твоя во благовестии Христове и ублажаем тя сице:

Радуйся, яко за Христа многия лишения претерпела еси.

Радуйся, яко крест твой со смирениеми и радостию понесла еси.

Радуйся, заповедей Божиих верная хранительнице.

Радуйся, вечныя радости со Хрис­том причастнице.

Радуйся, всего богосветлаго лика святых жен собеседнице.

Радуйся, о спасении нашем теп­лая ко Господу молитвеннице.

Радуйся, Веронико, в вере и благочестии нас укрепляющая.

 

Кондак 11

Пение хвалебное воспеваем ти, блаженная Веронико, и молим тя: испроси у Всемилостиваго Господа всем нам оставление грехов, мир и спасение, да во веки поем Ему: Аллилуия.

 

Икос 11

Светозарный светильник истиннаго света ты еси, богоизбранная Веронико, всем на земли сущим: просвещаеши бо сердца верных и здравие подаеши благодарственно вопиющим ти сице:

Радуйся, немощных целительнице.

Радуйся, целомудреннаго жития хранительнице.

Радуйся, грешных ко исправлению приводящая.

Радуйся, умы и сердца наша горе возводящая.

Радуйся, яко пламенную любовь ко Христу нам показуеши.

Радуйся, яко прошения наша ко Престолу Его приносиши.

Радуйся, Веронико, в вере и благочестии нас укрепляющая.

 

Кондак 12

Благодать от Бога испроси нам, святая Веронико, да ею покрываеми, безпреткновенно пройдем стезею к Небеси и в радости неизреченней воспоем Творцу и Спасителю нашему: Аллилуия.

 

Икос 12

Поюще благочестивое житие твое, хвалим тя, яко многоценный сосуд благодати Святаго Духа, богоблаженная Веронико, и в веселии сердечнем зовем ти:

Радуйся, святыни честное жилище.

Радуйся, благоволения Христова обиталище.

Радуйся, серафимскою любовию к Богу пламенеющая.

Радуйся, ныне на Небеси Создателя всяческих созерцающая.

Радуйся, яко в вечней славе со святыми пребываеши.

Радуйся, яко с небожители Царя Небеснаго прославляеши.

Радуйся, Веронико, в вере и благочестии нас укрепляющая.

 

Кондак 13

О святая праведная Веронико, приими сие малое похвальное пение, со умилением нами тебе приносимое, и умоли Господа нашего Иисуса Христа, да укрепит нас в вере православней и в соблюдении заповедей Его, простит вся согрешения наша и сподобит нас Царствия Небеснаго, идеже вкупе с тобою и всеми святыми воспоем Ему: Аллилуия.

    (Этот кондак читается трижды, затем икос 1 и кондак 1)
                                                                                                           

Молитва

О святая праведная Веронико, верою пламенною ко Всемилостивейшему Спасу преисполненная, моли Подателя благих Господа о умножении веры нашея. Ты бо одежды Спасителя коснувшися, удобь исцеление прияла еси и Сладчайший глас Его: «Дерзай дщи! Вера твоя спасе тя», — услышала еси, и сего ради велие дерзновение пред Богом имаши. Ты, не устрашившися страданий земных, вся мужественно претерпела еси, шедши вслед за Христом, и в Царство Небесное, яко голубица чистая, легце воспарила еси. Помози убо и нам, да и мы, возгоревшися верою и любовию, последуем Господу Иису­су Христу до конца и сподобимся Сладчайшего гласа Его: «Вера твоя спасе тя». Аминь.

 

ЖИТИЕ

Святая праведная Вероника родилась и выросла в городе Кесарии Филипповой. Она страдала женским заболеванием: неукротимой кровоточивостью. Болезнь подтачивала силы Вероники, расходы на врачей и лечение лишали средств к существованию. Из-за кровотечения еврейская община считала ее нечистой и избегала общения. Узнав о Иисусе Христе, Его проповедях и исцелениях неизлечимых больных, она поверила, что на землю пришел Господь. Ее вера была столь нерушима и тверда, что Вероника была убеждена в своем исцелении, если встретит Богочеловека.

Об исцелении женщины, страдавшей 12 лет от кровотечения, есть свидетельство в Евангелии. Прибыв в Кесарию Филлипову, Иисус Христос проповедовал и исцелял больных. К Нему подошел местный начальник и попросил вылечить умирающую дочь. Иисус пошел за ним, и в это время Вероника незаметно коснулась края Его одежды, с твердой уверенностью, что если ей это удастся, то она выздоровеет. В тот же миг Вероника обнаружила, что излечилась. Иисус Христос почувствовал, что кто-то прикоснулся к Нему с определенной целью. Обернувшись, он увидел Веронику и ободрил ее: «Дерзай, дщерь! Вера твоя спасла тебя».

В благодарность Господу она заказала Его бронзовую скульптуру и установила возле своего жилища. Эта скульптура изображала Христа с протянутой рукой и стоявшую перед ним на коленях женщину. На постаменте была выгравирована надпись: «Богу, Спасителю мира». Трава, произраставшая у подножия памятника, обладала лечебными свойствами (Евсевий Кесарийский «Церковная история»). Скульптурное изображение Спасителя было уничтожено во время правления римского императора Юлиана Отступника, пытавшегося изжить христианство и вернуть языческую религию.

По христианскому преданию, святая Вероника была одной из тех благочестивых женщин, которые сопровождали Христа на казнь. Исполненная сострадания к Его мукам, она прошла сквозь бесновавшуюся толпу и отерла лицо Господа от пота и крови своим льняным платком. Вернувшись домой, Вероника увидела, что на ткани платка проявился лик Спасителя в терновом венце.

Этот образ Христа стали называть Платом Вероники. Первое время он находился в Иерусалиме, а со временем попал в Рим, где хранится в соборе святого Петра по сегодняшний день. Плат Вероники выставляется на всеобщее обозрение единственный раз в году — в пятое воскресенье Великого Поста, но время показа ограничено и он показывается с высокой лоджии Столпа Святой Вероники. Приблизиться к реликвии разрешается лишь каноникам базилики святого Петра.

Следует отличать Плат Вероники (образ Хрис­та в терновом венце) от другого Нерукотворного образа Спасителя. По преданию, этот образ появился на полотне (убрусе) после того, как Господь приложил к Своему лику плат, отдав его Анании, слуге царя Авгаря, который страдал от проказы. Чудотворный образ был доставлен в город Эдессу и после выздоровления царя помещен над городскими воротами. Это изображение Христа, полученное без помощи красок и кисти, стало образцом для первых икон на полотне и камне и именуется «Спас Нерукотворный».

Отличительной особенностью иконы «Спас Нерукотворный» от Плата Вероники является отсутствие тернового венца на главе Христа. Лик Спасителя на Плате Вероники наполнен страданий, видны кровавые подтеки из-под тернового венца. В то время как «Спас Нерукотворный» является воплощением спокойствия и умиротворения.

Оставшиеся годы святая Вероника провела в святости и богоугодных делах и почила в мире, представ пред лицом Господа.

Образ жизни праведной Вероники стал примером высокого благочестия и глубокой веры для хрис­тиан.

К святой Веронике обращаются, чтобы получить поддержку при ослаблении веры, в решении жизненных проблем, скорейшем излечении от болезней.

 

По благословению

митрополита Херсонского и Таврического Иоанна

Опубликована: 05.01.2022