Православный календарь
Рекомендуем посетить
Музыковский Покровский мужской монастырь Херсонской епархии
УПЦ

НОВАЯ ИНФОРМАЦИЯ

Расписание богослужений в Свято-Духовском кафедральном соборе на ОКТЯБРЬ

 

Ночные литургии в ОКТЯБРЕ:

в ночь с 7 на 8 четверга на пятницу)

с 29 на 30 (заупокойная) пятницы на субботу)

 

До 16 октября в Свято-Духовском кафедральном соборе Херсона пребывает

ПОЧАЕВСКАЯ ИКОНА БОЖИЕЙ МАТЕРИ.

Ежедневно в 12.00 совершается молебен с акафистом   
 

Акафист апостолу ИУДЕ БРАТУ ГОСПОДНЮ

 

День памяти:

2 июля (н. ст.)

 

Тропарь, глас 1

Хрис­то́ва тя сро́дника, о ­­Иу́до, ве́дуще и му́ченика тве́рда, свяще́нно восхваля́ем, пре́лесть попра́вша и ве́ру соблю́дша; те́мже, днесь всесвяту́ю твою́ па́мять пра́зднующе, грехо́в разреше́ние моли́твами твои́ми прие́млем.

 

Кондак, глас 2

Тве́рдым умо́м избра́н учени́к ты яви́лся еси́ и столп необори́м Це́ркве Хрис­то́вы, язы́ком пропове́дал еси́ сло́во Хрис­то́во, ве́ровати глаго́ля во Еди́но Божество́, от Него́же просла́вився, прия́л еси́ дар исцеле́ний, цели́ти неду́ги притека́ющих к тебе́, апо́столе Иу́до всехва́льне.

 

Кондак 1

Избра́нный апостоле и дру́же Хрис­тов, мре́жею проповеди твоея многия ду́ши человеческия улови́вый и ко Хрис­ту приведы́й, и великия чудеса сотворивый, ­­Иудо-Фаддее богоблаженне, в песнех восхваляем тя, яко заступника и покровителя нашего; ты же, яко имеяй дерзновение ко Господу, молися Ему вы́ну за ны, грешныя, и от всяких бед нас свобождай, да зовем ти: Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Икос 1

Ангелов Творец и Владыка, Хрис­тос Бог наш, спасти хотя род человеческий, в плоть нашу облече́ся и с человеки поживе́, и, егда исполнишася времена́, учеников призва́ Себе и сопричте́ тя, все­славный ­Иудо-Фаддее, сродника Своего по пло́ти, к ли́ку святых апостол Своих; ты же во благовестии Евангельском усердно подвизался еси и, мученически живот свой скончавше, востекл еси в черто́ги Отца Небеснаго, идеже со Ангелы и всеми святыми мо́лишися о всех взывающих ти си́це:

Радуйся, рода Давидова о́трасле благородная.

Радуйся, лозо́ вертогра́да Хрис­това многоплодная.

Радуйся, ве́лие дерзновение ко Господу стяжавый.

Радуйся, дар чудотворений свыше приявый.

Радуйся, ду́ши многих Хрис­ту уневе́стивый.

Радуйся, за о́вцы своя душу твою положивый.

Радуйся, грешных милостивый заступниче.

Радуйся, бедствующих скорый помощниче.

Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Кондак 2

Видя благочестивый и праведный Иосиф сына своего Иуду, в вере отцев своих и исполнении закона Моисе́ева добре утвержде́ннаго, преуспева́юща возрастом и премудростию, любовию ко храму Господню озаре́ннаго, в радости воспеваше Богу: Аллилуия.

 

Икос 2 

Разум богомудрый имея, якоже преславный пра́отец твой Соломон, всем сердцем возлюбил еси, ­Иудо достохвальне, премудрость Божию, ю́же и взыскал еси прилежно от дней юности твоея; темже, от Отца Небеснаго дарование прие́м, в добродетельном житии твоем праведником ветхозаветным поревновал еси. Мы же, вся сия́ ныне славословяще, зовем ти си́це:

Радуйся, от дней детства твоего води́тельству Духа Святаго прилежа́вый.

Радуйся, добродетелем великих предков твоих подражавый.

Радуйся, подобне Аврааму, во всем житии твоем непорочно пред Богом пожи́вый.

Радуйся, Исаа́ково послушание пред святым отцем твоим яви́вый.

Радуйся, путе́м Иа́ковля смиренному́дрия ходи́вый.

Радуйся, Ио́сифову чистоту и смирение стяжа́вый.

Радуйся, Моисе́еву любовь к людем своим в себе явивый.

Радуйся, в покаянии и кротости Давиду поревнова́вый.

Радуйся, апостоле святый ­Иудо-Фаддее, скорый помощниче и молитвенниче о душа́х наших. 

 

Кондак 3

Силою и благодатию Всесвятаго Духа озаре́нный, неве́рие и неблагомы́слие отри́нув, пре­славный ­Иудо, верно последовал еси Спасителю нашему, от Негоже возлю́блен был еси, и к лику избра́нных двана́десяти апостол сопричте́н был еси, и, яко ревнитель славы Его, новое имя Фаддея, си́есть «хва́лящаго», получил еси. Мы же, сие ныне поминающе, просим тя, учениче́ Хрис­тов: испроси и нам у Творца нашего ревность о спасении душ наших и славе Божией, да сподобимся ку́пно с тобою вы́ну Господа хвалити, воспевая Ему: Аллилуия.

 

Икос 3

Имел еси едино попечение, богоблаженне ­Иудо-Фаддее, во еже верно служити и благоугождати Хрис­ту Богу; сего ради Его сопу́тник верный, ученик благоговейный и самови́дец великих и преславных чудес сподобился еси быти. Мы же, сие поминающе, просим тя, апостоле святый: исполни и нас духа премудрости Божия, сердца́ наша в любви ко Хрис­ту и ближним нашим утверди и приими милостивно похвалы сия:

Радуйся, наипа́че всего о Бозе помышляти научающий.

Радуйся, богопротивныя учения отвергати нас подвизающий.

Радуйся, во́лны сомнений о камень веры разбивающий.

Радуйся, от теплохла́дия и маловерия нас исцеляющий.

Радуйся, духом ревности по Бозе сердца́ наша наполняющий.

Радуйся, премудростию Евангельскою ду́ши наша обогащающий.

Радуйся, заповеди Хрис­товы исполняти нас наставляющий.

Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Кондак 4 

Бурю сомнений и маловерия усердными молитвами твоими победил еси до конца, богомудре Фаддее, и благи́м и верным последователем воплоти́вшагося Господа Иисуса явился еси, вся словеса́ Его в сердце своем слага́я. Мы же тя просим, апостоле преславне: научи и нас Спасителя па́че всего земна́го любити, да сподобимся ку́пно с тобою воспевати Ему: Аллилуия.

 

Икос 4

Слыша на Ве́чери Тайней глаголы Божественнаго Учителя ко учеником Своим, глаголал еси Ему, апостоле Иудо-Фаддее: «Господи, и что бысть, яко нам хо́щещи явитися, а не ми́рови?» Спаситель же отвеща́ и рече́ ти: «Аще кто любит Мя, слово Мое соблюде́т и Отец Мой возлюби́т Его, и к Нему прии́дема и обитель у Него сотвори́ма». Мы же, вся сия ныне поминающе, просим тя, угодниче Хрис­тов: утверди и нас в вере и верности, я́же к Богу, и приими милостивно величания сия:

Радуйся, от путей Ка́иновых нас удаляющий.

Радуйся, в единстве веры нас утверждающий.

Радуйся, благосердие с мудрос­тию сопряга́ти научающий.

Радуйся, светом Божиим от растле́ния нас соблюдающий.

Радуйся, от по́хотей и страсте́й плотски́х нас отвращающий.

Радуйся, дев и юношей в целомудрии укрепляющий.

Радуйся, супругов в любви и единомыслии сохраняющий.

Радуйся, дух милосердия в сердцах наших пробуждающий.

Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Кондак 5

Богоявле́нней звезде, во дни дре́вния премудрыя волхвы́ к Солнцу Правды путеводи́вшей, уподобился еси, богоносне апос­толе Фаддее, ты бо благодатию Божиею от силы в силу восходя́, приводил еси с собою ко Хрис­ту Спасителю всех взыску́ющих спасения вечнаго. Темже и мы, немерца́ющим сиянием славы твоея озаря́еми, в радости духовней о тебе Господеви вопием: Аллилуия.

 

Икос 5

Видевше Хрис­та Жизнодавца, тридне́вно воскресшаго от мертвых и две́рем затворе́нным воше́дшаго ко учеником Своим и «Мир вам!» — ре́кшаго, богоблаженне апостоле Фаддее, возрадовался еси зело́ и Тому яко Богу Всемогущему поклонился еси, народом же языческим возвестил еси истину святаго воскресения Его. Мы же, сие ныне поминающе, просим тя, учениче́ Хрис­тов: наполни ду́ши наша радостию пасхальною и приими милостивно величания сия: 

Радуйся, свет Хрис­тов в сердце твоем носивый.

Радуйся, светом истины сущих во мра́це озаривый.

Радуйся, яко тобою ум наш в богомыслии утвержда́ется.

Радуйся, яко тобою мрак неве́дения прогоня́ется.

Радуйся, от заблуждений духовных нас исцеляющий.

Радуйся, от пристра́стий греховных нас свобождающий.

Радуйся, к искреннему покаянию нас призывающий.

Радуйся, к Небесе́м умы́ и сердца́ наша обращающий.

Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Кондак 6 

Проповедника Евангелия Хрис­това и возвести́теля воли Господни сотвори тя Всемогущий и Милосердный Бог наш, егда в день святый Пятидеся́тницы сни́де на тя, всехвальне Иудо-Фаддее, Дух Святый и даро́в благодати Своея тя испо́лни. Мы же ныне молим тя, апостоле преславне: вознеси молитвы твоя о нас ко Всеблаго́му Уте́шителю, да сподобимся ку́пно с тобою во веки веков Святей ­Троице воспевати: Аллилуия.

 

Икос 6

Возсиял еси, светоно́сный учениче́ Спасов, яко светильник лучезарный, во странах язычес­ких, ибо ты не то́чию в преде́лех земна́го отечества твоего, но и в Сирии, Персии, Аравии и Месопота́мии возвестил еси су́щим во тьме и се́ни сме́ртней спасительную веру во Всеблагаго Господа нашего Иисуса Хрис­та, наставляя люди новообраще́нныя паче всего земна́го Господа любити, злых обы́чаев отверга́тися и любовь к ближним де́лом и молитвою явля́ти. Сему же научи и нас, всехвальный апостоле ­Иудо-Фаддее, и благоутро́бно приими́ величания сия:

Радуйся, се́явый му́дро на ни́ве Хрис­товой.

Радуйся, стро́ивый Церковь на ка́мени тве́рдом.

Радуйся, любовию Хрис­товою вся побежда́вый.

Радуйся, духовныя младенцы с любовию окормля́вый.

Радуйся, супроти́вников Спасовых в чада Божия преложи́вый.

Радуйся, святым Крещением грехи их омы́вый.

Радуйся, познанием веры дух тех укрепивый.

Радуйся, заповеди Евангельския творити их научивый.

Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Кондак 7 

Хотяще утвердити род христианский в вере и любви ко Господу, богосла́вне апостоле Иудо-Фаддее, в назидание и просвещение оставил еси нам священное послание твое, да, тобою вразумля́еми и направля́еми, от лжеучений, и пре́лести бесо́вския, и развращения духовнаго удали́мся, соблюдая себе в любви Божией, ча́юще милости от Господа нашего Иисуса Хрис­та и поя Ему о тебе: Аллилуия. 

 

Икос 7

Новое и преславное чудо сотвори Всеблаги́й Спаситель наш, егда собра́ во граде Иерусалиме от всех концев земли́ ученики Своя, да возмо́гут всечестно́му успению Матери Его послужити. Пречис­тая же Дева видевше тя, сродника Своего, ­Иудо-Фаддее, на о́блаце приспе́вшего к Ней, возра́довася и сподоби тя беседы Своея и благословения. Ты же, апостоле Хрис­тов, радости о богосла́вном успении Матери Спасителя исполнившись, за вся сия благодари́л и славословил еси Премудраго и Милосерднаго Гос­пода нашего. Мы же, сия поминающе, таковые похвалы приносим ти:

Радуйся, яко Матерь Преславную Деву почитавый.

Радуйся, благи́м словесе́м Ея всем сердцем внимавый.

Радуйся, Хрис­та, в ру́це душу Матери Своея прие́мшаго, срета́вый.

Радуйся, погребению Пречистыя Богородицы достойно послужи́вый.

Радуйся, со всеми святыми и Ангелы ныне во славе Ея созерца́­ющий.

Радуйся, милосердие Приснодевы к нам приклоняющий.

Радуйся, ку́пно с Нею о спасении нашем Хрис­та умоляющий.

Радуйся, свято и праведно почитати Ея нас научающий.

Радуйся, апостоле святый ­Иудо-Фаддее, скорый помощниче и молитвенниче о душа́х наших. 

 

Кондак 8

Странно есть людем маловерным видети и слышати, яко ты, все­славный и досточу́дный апостоле Фаддее, притекающих к тебе и предстательства твоего с верою и надеждою прося́щих от обстоя́ний безысхо́дных и скорбей великих исхища́еши и подвиза́еши тобою нам благодеющему Всемилостивому Богу умиленно взывати: Аллилуия. 

 

Икос 8

Всем к тебе молитвенно прибегающим любовь и благосердие твое изобильно являеши и мно́гажды прошения наша исполнением предваряе́ши, ибо даде́ся от Милосерднаго Господа нашего ти благодать враждующих примиряти, ду́хи нечистыя изгоняти, скорби и печали наша утоля́ти, ожесточе́нныя сердца́ умягчати; ты же, яко апостол и сродник Хрис­тов, дерзновение ве́лие стяжавше, непрестанно хода́тайствуеши за ны пред Престолом Вседержителя и подвизаеши умиленным сердцем приносити ти похвалы сия:

Радуйся, предстателю крепкий на тя уповающих.

Радуйся, заступниче скорый тя призывающих.

Радуйся, из пучи́н отчаяния нас изводя́щий.

Радуйся, светом надежды ду́ши наша озаряющий.

Радуйся, веру в милосердие Божие в сердцах наших воскрешающий.

Радуйся, вы́ну на Господа уповати наставляющий.

Радуйся, прощати и благословляти ближних нас научающий.

Радуйся, от напрасныя смерти нас сохраняющий.

Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Кондак 9 

Всякия беды́, скорби и напа́сти избавляеши нас, пречу́дный апос­толе Фаддее, твоими теплыми к Богу молитвами; сего ради мы, грешнии, к предстательству твоему прибегающе, молим тя: испроси нам вся ко вре́менней и вечней жизни полезная, да сподобимся Го́рняго Иерусалима достигнути и ку́пно с тобою Гос­подеви воспевати: Аллилуия.

 

Икос 9 

Вити́йство человеческое не довле́ет к достойному прославлению твоих подвигов и чудес, богосла́вный апостоле Иудо-Фаддее; ибо кто возмо́жет воспети ве́лию веру и любовь твою ко Господу, кто изочте́т вся труды твоя, и́миже трудился еси во благовестии Хрис­тове, кто убо воздаст достодо́лжную славу тебе, мученическия кончины твоея ради? Мы же, уповая на милосердие твое к нам, учениче́ Спасов, просим тя: благоутробно и милостивно приими сия ма́лыя наша и нехи́тростныя песни, в похвалу тебе приноси́мыя с верою и любовию, и услыши нас, вопиющих ти си́це:

Радуйся, в неизрече́нней славе Хрис­та созерца́ющий.

Радуйся, во благоуха́нии святыни присно почивающий.

Радуйся, от востока и запада хвали́мый и превозноси́мый.

Радуйся, от всех концев земли́ величаемый и прославляемый.

Радуйся, всех приходящих к тебе благодатию озаря́ющий.

Радуйся, скорби наша в радость претворяющий.

Радуйся, молитвами твоими от вечныя погибели нас спасающий.

Радуйся, за вся благодарити Творца нас научающий.

Радуйся, апостоле святый ­Иудо-Фаддее, скорый помощниче и молитвенниче о душа́х наших. 

 

Кондак 10

Спасительнаго подвига и́щуще, богомудрый учениче́ Спасов, взял еси на ра́мо крест свой и Хрис­ту последовал еси, егда заточе́ние темни́чное, оскорбления, надругания, бие́ния и ины́я муки разнообра́зныя претерпел еси, на Единаго Господа все упование свое возлагая, и верность Ему до конца земнаго жития соблюл еси, песнопоя́ Господеви ангельскую песнь: Аллилуия.

 

Икос 10 

Стена крепкая, ко́знями врага неодоле́нная, пребыл еси до конца, апостоле Хрис­тов и страстоте́рпче ­Иудо-Фаддее, ибо ты му́ченически пострадати за имя Хрис­тово и кровию запечатле́ти истину проповеди твоея сподобился еси, егда в преде́лех Армя́нских от рук злочести́вых распятие на дре́ве кре́стном и уязвле́ние от стрел кро́тце претерпел еси. Мы же, таковую христоподража́тельную кончину твою воспоминающе, почитаем болезни и труды твоя и воспису́ем ти си́це:

Радуйся, после́дователю верный распя́таго Учителя.

Радуйся, споспе́шниче усердный а́да Разрушителя.

Радуйся, ризы твоя в крови ­Агнчей убели́вый.

Радуйся, в дому́ Отца Небеснаго обитель себе сотворивый.

Радуйся, с Небесными Силами Бога прославляющий.

Радуйся, со апостолы и мученики Творца величающий.

Радуйся, телесныя и душевныя недуги наша исцеляющий.

Радуйся, в вере и благочестии нас укрепляющий.

Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Кондак 11 

Пение наше всякое побеждается, и многое множество хвалебных песен, воспеваемых ти, несть довольно, да по достоянию восхва́лим тя, апостоле святый ­Иудо-Фаддее; обаче молитвами твоими получающе от Хрис­та Бога благодеяния многообра́зныя, благодарни суще, поем о тебе Ему: Аллилуия.

 

Икос 11 

Света нетва́рнаго зритель и славы Божественныя соприча́стник воистину явился еси, всехвальне ­Иудо-Фаддее; сего ради молим тя: не преста́ни молитися ку́пно со всеми апостолы и мученики о всей Церкви Хрис­товой, да да́рует нам Господь разум к пропове́данию Евангелия Своего и да споспешеству́ет всеблагомо́щная сила Хрис­това благове́стником нашим. О сем же воздыха́я, тебе, богоносный апостоле, таковыя похвалы приносим:

Радуйся, яко и по преставле́нии твоем с нами пребываеши.

Радуйся, яко во обителех Небесных почива́я, нас не оставляеши.

Радуйся, омраче́нныя умы́ наша просвещающий.

Радуйся, окамене́лыя сердца́ наша оживляющий.

Радуйся, от пле́вел не́нависти их исцеляющий.

Радуйся, неверных светом веры Хрис­товы озаря́ющий.

Радуйся, сомневающихся в вере утверждающий.

Радуйся, де́лателей на ни́вы Хрис­товы посылающий.

Радуйся, апостоле святый ­Иудо-Фаддее, скорый помощниче и молитвенниче о душа́х наших. 

 

Кондак 12 

Благодать, данную ти от Бога, ве́дуще, всечестну́ю память твою радостно празднуем, светоза́рный апостоле ­Иудо-Фаддее, и, со умилением сердечным притекающе ко святому образу твоему, смиренно просим: сохрани нас в жизни сей во святей вере Хрис­товой и во всяком благочестии и чистоте, да и в сме́ртнем успении нашем обря́щемся достойны воспевати Богу: Аллилуия.

 

Икос 12 

Воспевая дивное житие твое, святый и преславный ­Иудо-Фаддее, брате Господень, прославляем великия и преславныя подвиги и труды твоя, воспеваем му́ченичес­кую кончину и почитаем тя, яко Небеснаго предстателя нашего, ты бо от бед и скорбей избавляе­ши, недуги врачуеши, печали утоля́еши всех лю́бящих тя. Сего ради благодарим и величаем дивно прославившаго тя Триеди́наго Бога, даровавшаго нам такова́го молитвенника и чудотворца, Егоже умоли спастися всем поющим ти таковая:

Радуйся, милосердие Бога-Отца к нам приклоняющий.

Радуйся, кающихся грешников со Спасителем примиряющий.

Радуйся, плоды Духа Святаго стяжа́ти нам помогающий.

Радуйся, праведно почитати Святую Троицу нас научающий.

Радуйся, покровом молитв твоих от всякаго зла нас соблюдающий.

Радуйся, светом радости ду́ши наша озаряющий.

Радуйся, бла́га временныя и вечныя нам источа́ющий.

Радуйся, от враг видимых и невидимых нас избавляющий.

Радуйся, апостоле святый ­Иудо-Фаддее, скорый помощниче и молитвенниче о душа́х наших.

 

Кондак 13 

О преславный апостоле Иудо-Фаддее, брате Господень, теплотою любве твоея ко Творцу и Спасу нашему посети и согрей ду́ши наша, и прими убо́гое сие приношение наше, яко венец похвалы сердечныя, и, яко фимиа́м благово́нный, вознеси молитву твою Отцу всех и Владыце и испроси земли́ нашей мира благоде́нственнаго, Церквам Божиим единства и благостоя́ния, нам же всем чистоту сердечную и любовь нелицемерную, да, тобою охраня́еми и спаса́еми, Господеви вопием: Аллилуия.

(Этот кондак читается трижды, затем икос 1 и кондак 1)

 

Молитва

О преславный апостоле ­Иудо, брате Господень, душу за Хрис­та преда́вший и кровию твоею па́жить Его удобри́вший! Услыши чад твоих молитвы и воздыхания, сердцем сокрушенным ныне приноси́мыя. Се бо беззако́ньми омрачи́хомся, и того ради бедами, якоже ту́чами, обложи́хомся, еле́я же добраго жития обнища́хом зело́, и не возмо́жем проти́витися волко́м хи́щным, иже расхища́ти насле́дие Божие де́рзостно тща́тся. О сильный! Понеси не́мощи наша, не отлучайся духом от нас, да не разлучи́мся в конец от любве Божия, но крепким заступлением твоим нас защити, да помилует Гос­подь всех нас молитв твоих ради, да истреби́т же рукописа́ние безме́рных грехов наших и да сподобит со всеми святыми блаженнаго Царствия и брака Агн­ца Своего, Емуже честь, и слава, и благодарение, и поклонение во веки веков. Аминь.

 

ЖИТИЕ

Святой апостол Иуда, из числа 12‑ти учеников Хрис­товых, происходил из рода царя Давида и Соломона, был сыном праведного Иосифа Обручника от его первой жены.

Святой апостол Иоанн Богослов в своем Евангелии пишет: «Ибо и братья Его не веровали в Него» (Ин. 7, 5). Святитель Феофилакт, архиепископ Болгарский, объясняет эти слова так: в начале земного служения Господа Иисуса Хрис­та сыновья Иосифа, в том числе и Иуда, не верили в Его Божественную сущность. Предание указывает, что, когда праведный Иосиф Обручник, возвратившись из Египта, стал делить между сыновьями принадлежавшую ему землю, он пожелал выделить часть и Хрис­ту Спасителю, рожденному преестественно и нетленно от Пречистой Девы Марии. Братья воспротивились этому, и только старший из них, Иаков, принял Хрис­та Иисуса в совместное владение своей долей и за это был назван братом Гос­подним. Позднее Иуда поверил во Хрис­та Спасителя как ожидаемого Мессию, всем сердцем обратился к Нему и был избран Им в число ближайших 12-ти учеников. Но, помня свой грех, апостол Иуда считал себя недостойным называться братом Божиим и в своем соборном послании именует себя лишь братом Иакова.

Святой апостол Иуда имел и другие имена: евангелист Матфей называет его «Леввеем, прозванным Фаддеем» (Мф. 10, 3), святой евангелист Марк тоже называет его Фаддеем (Мк. 3, 18), а в Деяниях святых апостолов он упоминается под именем Варсавы (Деян. 15, 22). В то время это было в обычае.

По вознесении Господа Иисуса Хрис­та апостол Иуда отправился с проповедью Евангелия. Он распространял веру во Хрис­та сначала в Иудее, Галилее, Самарии и Идумее, а затем — в странах Аравии, Сирии и Месопотамии и, наконец, пришел в город Эдессу. Здесь он завершил то, что не было закончено его предшественником, апостолом из числа 70‑ти Фаддеем. Сохранилось известие, что святой апостол Иуда ходил с проповедью в Персию и оттуда написал на греческом языке свое соборное послание, в кратких словах которого заключено много глубоких истин. Оно содержит догматическое учение о Святой Троице, о воплощении Гос­пода Иисуса Хрис­та, о различии Ангелов добрых и злых, о будущем Страшном Суде. В нравственном отношении апостол убеждает верующих беречь себя от плотской нечистоты, быть исправными в своих должностях, молитве, вере и любви, заблудших обращать на путь спасения, охранять себя от учений еретиков. Апостол Иуда учит, что недостаточно только веры во Хрис­та, необходимы еще и добрые дела, свойственные христианскому учению.

Святой апостол Иуда мученически скончался около 80-го года в Армении, в городе Арате, где он был распят на кресте и пронзен стрелами.

Мощи апостола Иуды, брата Гос­подня по плоти, ныне почивают в соборе святого Петра в Риме, в капелле святого Иосифа Обручника.

Апостол Иуда-Фаддей, согласно многим свидетельствам, помогает в безвыходных и запутанных ситуациях, а также тем, кто содействует распространению его почитания. Он является покровителем отчаявшихся, ищущих заступничества и помощи Божией.

По благословению

митрополита Херсонского и Таврического Иоанна

Опубликована: 25.12.2020