Дни памяти:

27 апреля (н.ст.)

26 июля (н.ст.)

Тропарь, глас 4

Иже земных чести и славы отвергшеся, доблии и честнии страдальцы, веры ради крепко и мужественно муки претерпесте, на смерть себе вдавше за Живот всех – Владыку. Темже и Христос преславно столпом облачным с небесе вас озари и почестьми и венцы от Престола славы венча. Со Ангелы Тому предстояще, молите спастися душам нашим.

Кондак, глас 3

Отеческую прелесть оставльше, святии, приведостеся Христови, всем души усердием стасте, мужемудренно до смерти. Темже и взясте победы почесть воистинну, о всех Владыку нашего непрестанно моляще.

Кондак 1

Избраннии Богом для свидетельства Православныя веры, мужески попрасте, святии мученицы, языческое нечестие, и за ваша страдания нетленными венцы от Христа Бога увенчастеся; темже мы, ублажающе вашу память, всеумиленно взываем к вам: Радуйтеся, святии мученицы Антоние, Иоанне и Евстафие.

Икос 1

Ангели земнии и человецы небеснии явистеся, святии мученицы, егда озарившеся светом истиннаго Богопознания, радостно потекосте на страдальческий подвиг. Приимите убо от нас хвалебное пение сие:

Радуйтеся, богоблаженнии исповедницы православныя веры, издревле насажденныя в земли Литовстей.

Радуйтеся, неумолкающии глашатаи истиннаго благочестия.

Радуйтеся, велии подвижницы, ни во чтоже вменившии славу мира сего, да Христа Бога приобрящете.

Радуйтеся, возлюбившии Христа Бога всем сердцем и всею душею.

Радуйтеся, кровию вашею запечатлевшии любовь ко Господу Иисусу.

Радуйтеся, святии мученицы Антоние, Иоанне и Евстафие.

Кондак 2

Видяще, яко нетленныя мощи ваша даруют всем притекающим с верою исцеление от болезней душевных и телесных, благодарим Милосердаго Бога, прославившаго вас, святии мученицы, таковою благодатию и вопием Христу Спасителю: Аллилуиа.

Икос 2

Разумныя очеса ваша вперивше в познание истинныя веры, вы, святии братия Антоние и Иоанне, мужемудренно отвергостеся языческаго прельщения и за исповедание единаго Истиннаго Бога радостно приясте узы, темничное заключение, раны и лютую смерть. Таковому подвигу вашему поревновав и юный Евстафий, небоязненно исповеда себе христианина быти и сподобися таковых же лютых за Христа мучений и смерти. За таковое ваше, еже за Христа святое дерзновение, взываем к вам сице:

Радуйтеся, блаженная троице честных страстотерпцев, прославивших Истиннаго Бога, во Святей Троице покланяемаго, Отца и Сына и Святаго Духа.

Радуйтеся, доблии воини Христовы, сохранившии верность Владыце до смерти.

Радуйтеся, не убоявшиися претерпети за Христа никиих мук.

Радуйтеся, яко ни теснота, ни узы, ни страдания, ни самая смерть не возмогоша разлучити вас от любве Христовы.

Радуйтеся, изгнаннии, поруганнии и убиеннии правды ради, яко мзда ваша многа на небеси.

Радуйтеся, святии мученицы Антоние, Иоанне и Евстафие.

Кондак 3

Силою Вышняго укрепляеми, небрегосте, святии мученицы, тяжкаго страдания телес ваших, преданных мукам, и на мучения, аки на брачный пир, радостно текосте; мы же благодарственно взываем укрепившему вас Христу Богу: Аллилуиа.

Икос 3

Имуще крепкую надежду на Небеснаго Царя и Бога и помняще апостольское слово, яко подобает повиноватися Богу паче неже человеком, вы, святии мученицы, не повинустеся велению вашего мучителя, еже возвратитися к прежнему языческому нечестию:

Радуйтеся, убо исповедавшии Христа пред человеки, и от Него исповеданнии пред Отцем Небесным.

Радуйтеся, вернии слузи Христовы, за верность свою наследовавшии Царствие Небесное.

Радуйтеся, сожителие Ангелом и приснии всем святым.

Радуйтеся, водвореннии в невечернем дни Царствия Божия.

Радуйтеся, призирающии с небеси на земную братию вашу и молящиися о всех призывающих вас на помощь.

Радуйтеся, святии мученицы Антоние, Иоанне и Евстафие.

Кондак 4

Буря ярости ваших мучителей не поколеба крепкия вашея веры, надежды и любве к Спасителю Богу, и вы, святии мученицы, ревностно упреждасте друг друга в тяжких страданиях, воспевая Богу в сердцах ваших: Аллилуиа.

Икос 4

Слышана бысть по всей православней земли радостная весть, яко вы, святии мученицы, подвигом добрым подвизастеся, течение ваше добре скончасте и веру до конца соблюдосте. Сего ради мы со всею Православною Церковию ублажаем вас:

Радуйтеся, исполнившии слово Христово, еже претерпевый до конца, той спасен будет.

Радуйтеся, вашим терпением удивившии мучителей ваших.

Радуйтеся, примером вашея жизни и смерти обратившии многих ко Господу.

Радуйтеся, яко и ныне чудесами, истекающими от святых мощей ваших, укрепляете православную веру в людех.

Радуйтеся, яко за терпение ваше соблюдеся вам венец правды на небеси.

Радуйтеся, святии мученицы Антоние, Иоанне и Евстафие.

Кондак 5

Боготечными звездами православныя веры бысте, святии мученицы, вашим земным соотчичем, указующе им в Православней Церкви единый надежный путь ко спасению, да вси единым сердцем и едиными усты взывают спасающему Богу: Аллилуиа.

Икос 5

Видено бысть чудное знамение Божией благости, егда честное место ваших страданий озари свыше облачный столп, указующий вам путь к небеси, якоже древле израильтяном из Египта в землю обетованную. Сего ради воспеваем вам:

Радуйтеся, чада новаго Израиля, достигшии горняго Небеснаго Иерусалима.

Радуйтеся, добре прошедшии многотрудное странствие ваше в пустыни сея жизни и вселившиися в стране обетованной вечной.

Радуйтеся, яко не Моисей, но Сам Христос Бог бысть вам Вождем к Небесному Отечествию.

Радуйтеся, победившии всех ваших супостатов и противников на пути к Царствию Небесному.

Радуйтеся, блаженнии небожителие, вкушающии вечная блага, ихже око не виде, и ухо не слыша, и яже на ум человеку не взыдоша.

Радуйтеся, святии мученицы Антоние, Иоанне и Евстафие.

Кондак 6

Проповедуют святыя мощи ваша, паче всякаго красноречия, несумненную надежду всеобщаго воскресения, егда Бог, не дающий и ныне преподобным Своим видети истления, воззовет к пакибытию весь род человеческий, и вси сподобльшиися стати одесную Престола Господня воспоют Ему: Аллилуиа.

Икос 6

Возсия новый свет для всех людей земли нашей, егда Милосердый Бог яви величие Своих чудес над вашими нетленными мощами, яже страха ради иноверческаго вторицею сокрыты быша в недрех земли под спудом храма, и оттоле источаху обильныя исцеления всем с теплою молитвою прибегавшим к вашей честней иконе. Приимите же от нас, святии мученицы, сие усердное славословие:

Радуйтеся, светозарныя светила Христовы Церкве, не могущия сокрытися под спудом.

Радуйтеся, скории врачи душ и телес наших.

Радуйтеся, защитники наши от зловредных иноверческих мудрований.

Радуйтеся, светлии вожди наши к истинному богопознанию и богопочитанию.

Радуйтеся, усерднии молитвенницы наши пред Господем.

Радуйтеся, святии мученицы Антоние, Иоанне и Евстафие.

Кондак 7

Хотяще прославити Господа Бога, дивнаго во святых Своих, не обретаем довольных словес, еже благохвалити Его по достоянию; но вас, святии мученицы, призываем на помощь: молитеся за ны прилежно, да неосужденно дерзаем воспевати Господу: Аллилуиа.

Икос 7

Новоявленными мучениками нарекла вас Православная Церковь, яко матерь, веселящаяся о чадех своих; и якоже древнии мученицы по всей вселенней своими страданиями утвердиша Божественную веру, подобне им и вы, новоявленнии мученицы, тако утвердисте святую веру в месте земнаго отечествия вашего, яко никия козни иноверия не могут поколебати ея, и мы, благодаряще, взываем к вам:

Радуйтеся, твердии столпы Православия, имиже красуется и укрепляется Святая Церковь.

Радуйтеся, искуснии кормчии, благонадежно ведущии нас среди временных волнений к пристанищу вечныя жизни.

Радуйтеся, споспешницы нашего оправдания.

Радуйтеся, яко молитвами вашими избавляемся от всякаго лукаваго прельщения, ищущаго уловити души наша.

Радуйтеся, благодетелие наши, указующии нам путь ко спасению.

Радуйтеся, святии мученицы Антоние, Иоанне и Евстафие.

Кондак 8

Странное и для ума человеческаго непостижное, обаче явнозримое нами чудо всемогущества Божия является в нетлении святых мощей ваших, яже больше полутысящи лет пребывают невредимы от разрушительных стихий и от времени всепоядающаго, воздвизая нас со умилением пети Господу: Аллилуиа.

Икос 8

Вся радости века сего, всю честь вашего звания и всю крепость ваших сил принесосте, святии мученицы, в жертву Спасителю Богу, и сподобистеся от Него мздовоздаяния на небеси, идеже ни червь, ни тля тлит, ни татие не подкопывают, и не могут похитити дарованного вам наследия:

Радуйтеся, убо, мудрии искатели Царствия Божия, подобнии евангельскому мужу, иже обрет на селе сокровище сокровенно, вся продает, елика имать, и купует то село драгоценное.

Радуйтеся, обретшии един многоценен бисер, иже есть Царствие Божие, и за него отдавшии вся блага мира сего.

Радуйтеся, паче мудрых века сего, уразумевшии цену бытия земнаго.

Радуйтеся, святии проповедницы, возвещающии нам из вашего гроба, яко недостойны суть страсти нынешняго времене к хотящей явитися славе грядущаго Царствия.

Радуйтеся, граждане небеснии и сонаследницы всем святым.

Радуйтеся, святии мученицы Антоние, Иоанне и Евстафие.

Кондак 9

Всякия скорби, болезни и прилоги наша утоляете, святии мученицы, и темныя зраки лукавых бесов далече от нас отгоняете, да тако вашею помощию, благодатию же Божиею спасаеми, благодарным и радостным гласом воспеваем Богу: Аллилуиа.

Икос 9

Витийство человеческое немотствует, тщащееся восхвалити вас, святии мученицы, за ваша страдания, яже претерпесте Христа ради, и за вашу мученическую смерть. Обаче, любовию вашею побеждаеми, елико можем, ублажаем вас:

Радуйтеся, возвеселившии весь Ангельский лик вашим за Христа терпением и страданием.

Радуйтеся, дружелюбно принятии на небеси от всего сонма праведников и угодников Божиих.

Радуйтеся, яко представше Престолу Господню, сподобилися есте поклонитися Ему и получити от Него вечную награду.

Радуйтеся, обитающии во светлостех святых, идеже несть болезнь, ни печаль, ни воздыхание.

Радуйтеся, утешителие всех гонимых и терпящих за Христову веру.

Радуйтеся, святии мученицы Антоние, Иоанне и Евстафие.

Кондак 10

Спасения и вечнаго покоя достигше после многоскорбныя земныя жизни, вы и нас, святии мученицы, поучаете, яко един есть истинный путь ко спасению в сем мире злом и лукавом, еже вся благодушно терпети Христа ради, воспевающе Ему усердно: Аллилуиа.

Икос 10

Стены храма, идеже нетленно почивают цельбоносная телеса ваша, просвещаются, аки небесный чертог, и вси жаждущии спасения прибегают к вам, святии мученицы, с мольбами, с благодарением и со славословием:

Радуйтеся, помощницы наши в скорбех, болезнех и печалех.

Радуйтеся, ходатаи наши пред Престолом Небеснаго Судии живых и мертвых.

Радуйтеся, яко никтоже прибегаяй к вам помощи ради, отходит от вас тощь.

Радуйтеся, щедрии подателие нам Божией милости.

Радуйтеся, обрадовании на небеси, и нас на земли укрепляющии в радостней надежде вечнаго спасения.

Радуйтеся, святии мученицы Антоние, Иоанне и Евстафие.

Кондак 11

Пению Ангельскаго лика на небеси совокупльше ваша преподобныя гласы, святии мученицы, купно с Небесными чинми, непрестанно славите Господа Бога. И мы, недостойнии, уповающе на милосердие Божие, дерзаем на земли бренными устами и благодарным сердцем воспевати Ему: Аллилуиа.

Икос 11

Светозарнаго дне всеобщаго воскресения и Страшнаго Суда Божия чающе, ужасаемся лютых наших деяний и безмерных грехов, имиже ежечасно прогневляем Создателя и Спасителя нашего; но имея вас, святии мученицы, предстательствующих за ны пред Господем, благодарственно взываем к вам:

Радуйтеся, яко по Бозе и по Пречистей Приснодеве Богородице все наше упование на вас возлагаем.

Радуйтеся, яко вы не посрамите нас от чаяния нашего.

Радуйтеся, яко молитвами вашими уповаем получити отпущение грехов и жизнь вечную.

Радуйтеся, благословеннии Отца Небеснаго, наследовавшии уготованное вам Царствие от сложения мира.

Радуйтеся, яко и мы вашим заступлением чаем избежати участи стоящих ошуюю Престола Судии.

Радуйтеся, святии мученицы Антоние, Иоанне и Евстафие.

Кондак 12

Благодать чудесных исцелений и скораго предстательства за нас пред Господем имуще, не преставайте, святии мученицы, выну помогати нам, славящим о вас Христа Бога и вопиющим Ему: Аллилуиа.

Икос 12

Поюще ваше светлое прославление на небеси и на земли, благодарим Всемилостиваго Спаса и Бога нашего, яко Той, содержай в Своей руце времена и лета, благоволи прославити и явити нам вас, святии мученицы, в благопотребное для нашего спасения время, да не погрязнем в тимении пагубных страстей и неразумных стремлений; сего ради возсылаем вам наше усердное благохваление:

Радуйтеся, неусыпнии стражи нашего спасения, брегущии нас от всякаго навета неприязненнаго.

Радуйтеся, хранителие наши, удаляющии от нас всякое вредное искушение.

Радуйтеся, искуснии наставницы наши в непоколебимом и твердом исповедании Православныя веры.

Радуйтеся, громогласнии органы благодати Божией, наполняющия Православную Церковь.

Радуйтеся, великии соотчичи наши, всем нам желающии и помогающии спастися.

Радуйтеся, святии мученицы Антоние, Иоанне и Евстафие.

Кондак 13

О преславнии и святии мученицы Антоние, Иоанне и Евстафие! Приимите сие малое, но усердное моление наше и ходатайством вашим у Христа Бога избавите нас от всех болезней душевных и телесных, и от всякаго прилога вражия, и от всякия беды и напасти, да выну, благодаряще о вас Господа Бога, радостно воспеваем Ему: Аллилуиа.

(Этот кондак читается трижды, затем икос 1 и кондак 1)

Молитва

Святии мученицы Антоние, Иоанне и Евстафие! Призрите с небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани, да не осудит нас, грешных, по беззакониям нашим, и да не во зло обратим благая, даруемая нам от Всещедраго Бога, но во славу святаго имени Его и в прославление крепкаго вашего заступления. Да молитвами вашими даст нам Господь мир помыслов, воздержание от пагубных страстей и от всякия скверны, и да укрепит во всем мире Свою едину Святую, Соборную и Апостольскую Церковь, юже стяжал есть честною Своею Кровию, да утвердит во Святей Своей Православней Церкви живый дух правыя веры и благочестия, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно, и во веки веков. Аминь.

ЖИТИЕ

Святые Антоний, Иоанн и Евстафий были первыми православными, пострадавшими за веру во Христа в 1347 году, в те времена, когда Литва была страной языческой. Все трое были местными состоятельными людьми из окружения Великого Литовского князя Альгирдаса (Ольгерда). Он был женат первым браком на витебской княжне Марии Ярославне. Выдавая Марию за язычника Альгирдаса, витебские князья поставили условие: православная может стать женой только единоверца. Альгирдасу пришлось принять святое Крещение с именем Александр, хотя от своих он это скрывал и вел себя как язычник. Два брата – Кумец и Нежило, служившие при дворе Альгирдаса, сначала тоже поклонялись языческим богам. Но вот услышали они проповедь православного священника Нестора, духовника княжны Марии Ярославны, который приехал из Витебска в Вильну вместе с ней, и пожелали принять Христову веру. Нестор крестил братьев. Старший из них – Кумец принял христианское имя Иоанн, а младший Нежило – имя Антоний. Когда языческие жрецы убедились в том, что Иоанн и Антоний – христиане, они стали требовать от Альгирдаса наказать отступников в назидание другим.

На уговоры князя раскаяться перед язычниками братья не поддавались, и их бросили в темницу. Целый год братья томились в заключении. То ласками, то угрозами жрецы пытались вернуть их к идолопоклонству, но Иоанн и Антоний были тверды в христианской вере. Однако настал момент, когда пал духом Иоанн, не выдержав испытаний. Через жрецов он попросил князя освободить его из темницы, обещая исполнить все княжеские повеления. Обрадованный князь выпустил на свободу обоих братьев и снова приблизил их ко двору. Но теперь они вели себя по-разному. Старший, Иоанн, внешне ничем не отличался от язычников, хотя в душе оставался христианином и тайно молился Господу. Младший же, Антоний, продолжал исповедовать Христа открыто, будто не страшился мучений. Однажды жрецы решили испытать братьев. В пятницу, день постный для христиан, они были приглашены к княжескому столу, где им предложили отведать мясного. Иоанн ел как все, а Антоний отказался, открыто объявив себя христианином. За свой протест он вновь был заключен в тюрьму.

Незавидным оказалось положение Иоанна при княжеском дворе. Язычники презирали его за непостоянство. Иоанна мучили угрызения совести. Он пришел к пресвитеру Нестору с покаянием, умоляя примирить его с младшим братом. Пресвитер простил его, открыв, что общение между братьями может возобновиться только в том случае, если Иоанн публично объявит себя христианином. Иоанн осознал глубину своего греха перед Господом и в присутствии Альгирдаса и его придворных решительно заявил, что верит во Христа Спасителя и за веру готов отдать жизнь. Так Иоанн вторично разделил участь брата.

Тюрьма, где содержали Антония и Иоанна, превратилась в рассадник христианства. К ней стекался народ, чтобы увидеть исповедников новой веры и послушать их проповеди о Спасителе. Многие, прикоснувшись к свету Евангельской истины, принимали святое Крещение. Жрецы, узнав, какое влияние оказывают братья на окружающих, решили окончательно расправиться с ними. После жестоких пыток Антония казнили. Он был повешен на дубе. Это произошло 14 апреля 1347 года. Расправа над Иоанном была на время отложена – Альгирдас надеялся, что тот проявит прежнюю слабость и отречется вторично. Но Иоанн остался непреклонным и 24 апреля принял смерть на том же дубе, что и его брат.

При дворе Альгирдаса служил также родственник братьев, молодой воин по имени Круглец. Пресвитер Нестор крестил его с именем Евстафий. Это, уже третье обращение в христианство среди придворных, привело Альгирдаса в ярость. За Евстафием началась слежка. Последнее испытание ему устроили в Рождественский пост – предложили мясное за княжеским столом. Евстафий открыто заявил, что он – христианин и в посту не может есть скоромное.

Мучили Евстафия долго и изощренно: юношу били железными прутьями, обливали ледяной водой, отрезали ему нос и уши. В те времена пытки устраивались при большом стечении народа. И было немало свидетелей тому, что никакие истязания не могли заставить Евстафия отречься от христианской веры. Не сломленный духом, он принял смерть 13 декабря 1347 года на дубе, уже ставшем Голгофой для Антония и Иоанна. Доблестная смерть бывших приближенных князя многих убедила в истинности их веры. Лобное место, где пострадали мученики, Альгирдас вынужден был отдать христианам. Они построили здесь храм во имя Святой Троицы. Туда перенесли мощи свв. Антония, Иоанна и Евстафия. По преданию, останки святых лежали в гробу, сделанном из дуба, освященном гибелью мучеников.

Посмертная судьба мучеников была такой же не простой, как и судьба их родного края.

После Брестской Унии 1596 года православные церкви Вильны были взяты под контроль униатами, в 1609 году Свято-Троицкий монастырь с храмом отошел к Базилианскому ордену. Мощи свв. Антония, Иоанна и Евстафия монахи-базилианцы скрыли в потаенном месте. Их удалось обнаружить и перенести в церковь Свято-Духова монастыря лишь в 1655 году. Вскоре вновь возникла опасность, что православные могут лишиться своей священной реликвии, связующей земную и небесную части единого церковного народа древней Литвы. Поэтому наместник Свято-Духова монастыря архимандрит Иосиф (Тукальский) решил скрыть мощи в пещере под главным алтарем храма Святого Духа и заделал вход в нее. Для ориентира он поставил над склепом в иконостасе икону свв. Антония, Иоанна и Евстафия. Время показало, что такие предосторожности не были напрасны.

Только более чем через полтора века, в 1814 году, произошло новое обретение святых мощей, местонахождения которых тогда уже никто не знал.

В ходе Первой Мировой войны, когда стало очевидным, что Вильна падет под напором немцев, во избежание надругательств над святыней, по распоряжению архиепископа Виленского и Литовского Тихона 9 августа 1915 года мощи свв. мучеников Антония, Иоанна и Евстафия были отправлены в Москву.

Трудно переоценить степень участия святителя Тихона в посмертной судьбе Виленских мучеников. По его благословению иеромонах Свято-Духова монастыря Досифей (Жидков) сопровождал мощи угодников Божиих, а затем присматривал за ними в Донском монастыре, в Малом соборе которого они были выставлены для поклонения.

К мощам в Донской монастырь постоянно стекались богомольцы, обращаясь к ним с молитвами о заступничестве и исцелениях. Однако с приходом Советской власти была развернута кампания по уничтожению останков православных святых. 1 февраля 1919 года Наркомат юстиции издал постановление об организованном вскрытии мощей. Раки с останками святых стали кощунственно ворошить; составлялись протоколы вскрытий, людям внушалось, что нетленных мощей не существует, и священнослужители обманывают народ, призывая его поклоняться человеческому праху. Патриарх Тихон решительно протестовал против таких действий.

Но власти продолжали свое черное дело: святые мощи вывозились в музеи, где их помещали вместе с мумиями и скелетами животных. Угроза надругательств нависла и над останками Виленских святых. Святитель Тихон, упреждая действия советских «экспертов», благословил управляющего Донским монастырем архиепископа Назария (Кириллова) произвести проверку состояния мощей свв. Антония, Иоанна и Евстафия. Вывод церковной экспертизы гласил: «Мощи свв. Виленских угодников представляют типичные мощи святых, почитаемых Православной Церковью».

Еще какое-то время эти святые мощи литовских первохристиан по-прежнему были доступными для поклонения. Была среди богомольцев и Евдокия Волкова, нянечка московской Голицынской больницы, мать пятерых детей. Недавно она потеряла мужа, и у Виленских угодников Божиих не раз просила утешения и помощи. Однажды Евдокия стала свидетельницей исцеления больной женщины у раки с мощами свв. Антония, Иоанна и Евстафия. Чудо так подействовало на Евдокию, что она решила попытаться найти возможность для переправки частиц мощей к себе на родину, на Смоленщину, в Гжатск.

Волковой удалось встретиться с Патриархом Тихоном. Он очень внимательно отнесся к упованию мирянки, и по благословению Святейшего икона свв. Виленских мучеников из Смоленского женского Владимиро-Екатерининского монастыря (Гжатск) была привезена в Москву, в нее вложили частицы мощей свв. Антония, Иоанна и Евстафия, а затем иеромонах Досифей доставил икону в Гжатск. В докладе Патриарху настоятельница Владимиро-Екатерининской обители игумения Серафима сообщала: «Тотчас же принесли к образу святых Виленских мучеников больного пятнадцатилетнего мальчика, у которого два года как ноги были без движения. Отец больного на руках поднес мальчика к образу мучеников, он приложился к святому их лику и тут же почувствовал движение в своих ногах и встал. Теперь этот мальчик ходит без помощи других».

В июле 1920 года большевистскими властями был устроен «процесс Виленских угодников»; дело слушалось в 1-м Московском городском суде. Несмотря на протесты Патриарха Тихона, суд постановил: «Так называемые мощи Виленских угодников, а в действительности мумифицированные трупы, передать в музей древности. Брошюры «Страдания Виленских мучеников», конфискованные в Донском монастыре, уничтожить. Приговор окончательный». Останки были помещены в Московский музей атеистической пропаганды.

По ходатайству Патриарха Алексия I, в июле 1946 года мощи были переданы в распоряжение Патриахии и 26 июля были доставлены самолетом в Вильнюс. В этот день по юлианскому календарю в Литовской епархии празднуется второе обретение мощей Виленских мучеников.

Святым Виленским мученикам молятся об исцелении страждущих болезнями ног.

По благословению

митрополита Херсонского и Таврического Иоанна