День памяти:

16 мая (н. ст.)

Тропарь, глас 4

Агница Твоя, Иисусе, Ксения зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Кондак, глас 4

Девства добротами преиспещренна, дево, страдальчеством была еси краснейшая, Ксение, кровьми твоими истекшими обагрена, прелесть низложила еси безбожия, сего ради прияла еси почести победы рукою Создателя твоего.

Кондак 1

Избранная угоднице Божия, светом Христовым одеянная и огнем Божественным осиянная, святая великомученице Ксение, восхваляем ангелоподобное житие и честная страдания твоя; ты же, яко имущая от Господа силу свобождати верныя от тьмы духовныя, даруй исцеление и заступление с любовию тебе зовущим: Радуйся, Ксение, мученице многострадальная.

Икос 1

Ангельскою чистотою ко Господу приблизившаяся и с мученическим ликом ныне веселящаяся, Ксение преславная, токи помощи всем изливаеши и покровительство свое даруеши вопиющим ти:

Радуйся, чистоты зерцало.

Радуйся, идолов плачевное поражение.

Радуйся, сомневающихся ободрение.

Радуйся, смиренных радование.

Радуйся, девственников похвало и украшение.

Радуйся, благодатным светом осиянная.

Радуйся, Ксение, мученице многострадальная.

Кондак 2

Видящи непостоянство мира сего многосуетнаго, житие земное к горним направила еси, Ксение преблаженная, хитрости злолукаваго врага постом и молитвою побеждая и непрестанно Богу поя: Аллилуиа.

Икос 2

Разумом Божественным просвещенная, ум и сердце к Небесному отечеству вперила еси, великомученице, и, во благочестии преуспевая, сокровищем нетленным обогатилася еси. Темже ныне Церковь Святую украшаеши и граду Каламону покровительствуеши, верным же болезни телесныя исцеляеши и смрад греха от них проганяеши, восхваляющих тя сице:

Радуйся, храме благодатный.

Радуйся, голубице, сияющая чистотою.

Радуйся, смирно, целомудрием благоухающая.

Радуйся, недужныя врачующая.

Радуйся, к Небеси нас направляющая.

Радуйся, восхваляти Господа нас научающая.

Радуйся, Ксение, мученице многострадальная.

Кондак 3

Силою Всевышняго, Ксение богомудрая, демонския нападения попираеши, искушения врага рода человеческаго отгоняеши и крепкия узы его разрушаеши, похоть плоти и очес усмиряеши, Богу же пети всех научаеши: Аллилуиа.

Икос 3

Имея тщание со Христом выну пребывати, мучений лютых не убоялася еси. и  на столбе висящи, плоти своея строгание и прижигание мужественно претерпела еси; последи же от Ангела утешение и исцеление улучила еси. Мы же, дивящеся таковому терпению твоему, во умилении сердец зовем ти:

Радуйся, маслино многоплодная.

Радуйся, светом Божественным одеянная.

Радуйся, света Небеснаго сияние.

Радуйся, винограде вертограда Христова.

Радуйся, Христа достойно воспевающая.

Радуйся, велиара страданиями своими попирающая.

Радуйся, Ксение, мученице многострадальная.

Кондак 4

Буря мучений от нечестиваго игемона, юже воздвиже на тя, агнице святая, во еже поколебати веру твою во Христа, ничимже возможе смутити тя, Ксение: ты бо, нерадивши о муках и мужеством вооружившися, радостно вопияла еси Господеви: Аллилуиа.

Икос 4

Слышав от тебе злочестивый правитель Дометиан словеса о вере Христовой, распаляшеся на тя злобою и, по жестокосердию своему, на многообразныя муки предаде тя, обаче ничтоже успе о укрепляющем тя Христе Иисусе. Темже, поминающе честная страдания твоя, со умилением зовем ти:

Радуйся, добродетельми сияющая.

Радуйся, в вере утверждающая.

Радуйся, кротости научающая.

Радуйся, радости духовныя исполняющая.

Радуйся, мучеников Христовых сопричастнице.

Радуйся, всем приходящим к тебе пристанище.

Радуйся, Ксение, мученице многострадальная.

Кондак 5

Боготечней звезде подобна была еси, Ксение, егда в темнице посети тя Христос и, исцелив раны твоя, возгласи тебе: «Не убойся, Ксение, мучений: вскоре бо избавишися от всех искушений и будеши пребывати со Мною во веки!», Егоже, ликующи, славословила еси, поя: Аллилуиа.

Икос 5

Видя мучитель тя, святая Ксение, изведенну из темницы, здраву телом и ликом светлу, паки повелеваше ти пожерти идолом, рече бо, яко тии чудесне тя исцелиша. Ты же, яко богомудрая дева, рекла еси ему, яко исцели тя Господь Иисус, а не ложныя боги, и во уверение сего, пришедши во храм идольский, помолилася еси Единому Истинному Богу, от Егоже святаго имене вся идолы падоша и разсыпашася. Мы же, прославляя велию веру твою, вопием ти:

Радуйся, благочестием одеянная.

Радуйся, терпением облеченная.

Радуйся, от искушений свобождающая.

Радуйся, бури страстей утишающая.

Радуйся, иночествующим пособствующая.

Радуйся, благочестивых веселием исполняющая.

Радуйся, Ксение, мученице многострадальная.

Кондак 6

Проповедницею чудес и славы Божия явилася еси, Ксение добропобедная: егда бо жестоковыйный епарх повеле привязати тя к коню и по камени влачити, милосердный Господь сотвори коню не двигатися, да не сотворит тебе зла. Людие же, видевше чудо сие и восклицающе: «Велик Бог христианский!» - увероваша во Христа, вопия Ему: Аллилуиа.

Икос 6

Возсия в темнице свет Божественный, доблестная великомученице, егда посреде нощи паки явися Господь Иисус Христос и рече ти о приятии тобою венца победнаго, иже украшает девственников во Царствии Небеснем. Мы же, прославляя Бога, дивнаго во святых Своих, во умилении сердец поем ти:

Радуйся, сладострастия обличение.

Радуйся, чистоты образе.

Радуйся, страданьми достигшая Небесе.

Радуйся, славою в лице страстотерпцев блистающая.

Радуйся, мятущихся успокоение.

Радуйся, недужных исцеление.

Радуйся, Ксение, мученице многострадальная.

Кондак 7

Хотя безумный игемон желание свое улучити, паки покусися ласкательными словесы к почитанию ложных богов и супружеству тебе, святая великомученице, приклонити, не вразумившися бывшими на тебе чудесы Божиими. Ты же, лукавство его отвергши, вопияла еси Христу: Аллилуиа.

Икос 7

Новую показа безчеловечия ярость зверообразный мучитель, егда повеле чрез мечное усечение умертвити тя, многострадальная Ксение, тело же твое честное огню предати. Темже, мученическую кончину твою благоговейне воспоминающе, похвалами блажим тя сими:

Радуйся, исповеднице Христова.

Радуйся, мученице препрославленная.

Радуйся, страданьми своими Бога прославляющая.

Радуйся, молитвами твоими милосердие Его на нас изливающая.

Радуйся, града Каламона украшение.

Радуйся, всех христиан защищение.

Радуйся, Ксение, мученице многострадальная.

Кондак 8

Странна и страшна бысть мученическая кончина твоя за Христа людем неведущим Бога, присноблаженная Ксение: ты бо, на место казни приведенная, усердную молитву вознесла еси ко Господу и, с радостию приявши за Него мучения, воспела еси: Аллилуиа.

Икос 8

Весь Сладчайший Иисус сладость тебе бысть, мученице Ксение, за Негоже горькия муки и истязания претерпела еси; темже душа твоя радостию велиею вострепета, егда во время молитвы твоея Божественный глас благовествоваше ти о исполнении прошения твоего. От нас же приими похвальная сия:

Радуйся, Ангелов удивление.

Радуйся, земнородных украшение.

Радуйся, нечестия прогонительнице.

Радуйся, верных наставнице.

Радуйся, о всех нас молитвеннице изрядная.

Радуйся, недугов душевных и телесных целительнице скорая.

Радуйся, Ксение, мученице многострадальная.

Кондак 9

Вся Силы Небесныя и святых лицы радостно тя сретоша, страстотерпице славная, егда во врата Царствия Небеснаго возшла еси, во еже от руки Вседержителя венец нетленный прияти и в радости святых воспевати: Аллилуиа.

Икос 9

Витийство человеческое не довлеет достойно восхвалити страдальческия подвиги твоя, мученице святая, ты бо под меч острый, аки под венец красный, радостно потекла еси, и во главу усекновенна бывши, душею твоею возлетела еси в чертог Жениха твоего, Христа Бога. Мы же вся сия поминающе, со умилением приносим ти песнь сицевую:

Радуйся, образе целомудрия.

Радуйся, правило милосердия.

Радуйся, бесов прогонительнице.

Радуйся, вражиих козней разрушительнице.

Радуйся, проповеднице чудес Божиих.

Радуйся, наставнице добрых дел.

Радуйся, Ксение, мученице многострадальная.

Кондак 10

Спасительнаго твоего подвига течение зряще, восхваляем страдания твоя, мученице преславная, и молим тя: омраченныя страстьми сердца наша просвети и оставление грехов нам у Щедродавца Бога испроси, да вопием Ему с тобою: Аллилуиа.

Икос 10

Стеною молитв твоих от бед и зол сохраняй вся православныя христианы, и путем правым в Царствие Небесное нас руководи, да твое предстательство пред Господем поминающе, со умилением зовем ти:

Радуйся, страданьми твоими Церковь Христову украсившая.

Радуйся, демоны ногами твоима поправшая.

Радуйся, молитвами твоими избавляющая от скорбей.

Радуйся, ходатайством твоим свобождающая от искушений.

Радуйся, сокровищнице исцелений неоскудная.

Радуйся, чаше даров Божиих преизобильная.

Радуйся, Ксение, мученице многострадальная.

Кондак 11

Пение хвалебное приносим ти, святая великомученице Ксение, и смиренно молим тя: умоли Господа о нас, грешных, да низпослет и нам благодатную помощь Свою, поющим Ему: Аллилуиа.

Икос 11

Светоподательная свеща была еси во страдании твоем, святая мученице, озаряя светом православныя веры всех взыскующих Бога истиннаго. Сего ради с любовию вопием ти:

Радуйся, веру Христову возлюбившая.

Радуйся, чистоту девства твоего соблюдшая.

Радуйся, претерпевшая тесноту Царствия ради Небеснаго.

Радуйся, скорбьми твоими к Богу приблизившаяся.

Радуйся, девственных ликостояний неотступная хранительнице.

Радуйся, иночествующих Небесная наставнице.

Радуйся, Ксение, мученице многострадальная.

Кондак 12

Благодать дана ти от Бога хранити и соблюдати от различных болезней, бед и скорбей всякаго человека, верою и любовию честная страдания твоя почитающаго. Темже молим тя, страстотерпице Христова: молитвеннаго твоего предстательства не лиши и нас, грешных, да и мы в нынешней и будущей жизни поем о тебе Богу: Аллилуиа.

Икос 12

Поем твоя подвиги, почитаем страдания, хвалим долготерпение и непобедимое мужество, ублажаем святую твою кончину и молим тя: простри с Небесе помощь твою на нас, вопиющих ти сице:

Радуйся, серафимския любви подражательнице.

Радуйся, диавольских сетей разрушительнице.

Радуйся, чудесы твоими нас утешающая.

Радуйся, враги невидимыя от нас отражающая.

Радуйся, дары целебныя земнородным подающая.

Радуйся, к бедствующим на помощь ускоряющая.

Радуйся, Ксение, мученице многострадальная.

Кондак 13

О святая великомученице Ксение, приими сие малое моление от сердец, любящих тя, и молися за ны ко Господу, да простит нам вся прегрешения наша и сподобит нас Царствия Небеснаго, идеже вкупе с тобою и со всеми святыми воспоем Ему: Аллилуиа.

(Этот кондак читается трижды, затем икос 1 и кондак 1)

Молитва

О прехвальная мученице Христова Ксение, благонадежная наша пред Господем предстательнице! К тебе усердно прибегаем и во умилении сердец наших просим: умоли Господа и Владыку нашего да пробавит милость Свою к нам, недостойным рабом Его, да подаст грехов наших прощение, мирное и благочестивое житие да дарует нам, кончины же живота непостыдныя и мирныя и блаженства вечнаго в будущем веце нас да сподобит, да выну возсылаем славу и благодарение Отцу и Сыну и Святому Духу во веки веков. Аминь.

Ж И Т И Е

Святая великомученица Ксения не упоминается в византийских агиографических источниках, ее почитание долгое время носило местный характер. Сведения о ней были обнаружены в начале ХХ в. пресвитером Гергием (Насисом) в рукописи, принадлежавшей Константину Византиосу из Константинополя. Он переписал житие Ксении и издал его вместе с составленными им службой и параклисом этой святой в 1946 г. в Нью-Йорке, где служил настоятелем кафедрального собора Благовещения Пресвятой Богородицы.

Святая Ксения родилась около 291 г. в греческом городе Каламе (ныне Каламата), расположенном на юго-западе полуострова Пелопоннес. Родители ее Николай и Деспина, родом из Италии, были христианами, не благородного происхождения, но достаточно обеспеченные. Из-за гонений на христиан им пришлось перебраться в Каламату, где они занимались возделыванием земли. Здесь у них родилась дочь Ксения, которая еще с детства, чаще всего, не играла с детьми, а после молитвы оставалась дома и всячески помогала матери.

С возрастом ее душевная красота все более явно проявлялась и в телесной красоте. Она постоянно питала свою душу молитвой, чтением Священного Писания и слушанием житий святых и мучеников за веру во Христа. Девушка имела постоянное попечение о бедных, больных и вдовах и часто она сама оставалась без еды, чтобы накормить нуждающихся. Видя это, враг рода человеческого всячески стремился погубить юную подвижницу.

В то время в Каламате правил епарх (начальник области) Дометиан – человек черствый и жестокосердый. Однажды, возвращась с охоты, он увидел Ксению, которая в это время работала на поле. Увидев ее, он воспылал к ней страстью и захотел на ней жениться. Он обратился к магам-чародеям, чтобы они приворожили к нему Ксению. Но святая была под защитой Креста Господня и потому маги не смогли ничего сделать.

Видя постигшую его неудачу, Дометиан приказал захватить ее силой и доставить в его резиденцию. Ксения же молилась Богу о помощи и когда предстала пред епархом, с мужеством претерпевала все испытания. Дометиан спросил ее, как ее зовут, чья она и какую религию исповедует. Святая ответила ему, что зовут ее Ксения, родители ее христиане из этого города и что она желает всей душой быть рабой Господа Иисуса Христа.

Тиран, скрывая гнев и ярость, стал ласково ее уговаривать, чтобы она стала его супругой и принесла жертву его богам, а также предупредил, что в случае неповиновения ее ожидают тяжкие мучения и лютая смерть. Но Ксения смело ответила ему отказом.

После ее слов Дометиан пришел еще в большую ярость, схватил святую за волосы, потащил в темницу и, отдав ее тюремщикам, приказал повесить на столбе, жечь и строгать ее тело. Во время истязаний святая мученица продолжала молиться Господу о своем укреплении. Мучения продолжались очень долго, но святая не чувствовала боли, потому что Ангел Господень укреплял ее и обновлял ее силы.

Ночью, когда после мучений святая Ксения осталась одна в темнице, к ней явился Сам Господь и исцелил ее раны.

Утром солдаты доставили Ксению к епарху и он, увидев ее снова здоровой, стал убеждать принести жертву богам, которые так чудесно исцелили ее. Но святая опровергла его слова и провозгласила, что исцелил ее Иисус Христос, а не ложные боги. И чтобы убедить всех в том, что именно Господь – истинный Бог, она согласилась пойти в языческий храм. Епарх же обрадовался, думая, что Ксения раскаялась. И вот, когда они пришли в капище, святая преклонила колени пред Богом и стала молиться. И, прежде окончания ее молитвы, произошло большое землетрясение, так что все идолы попадали и разбились на мелкие кусочки. Но Дометиан не вразумился этим чудом, а еще больше ожесточился и приказал сильнее мучить святую.

Как и перед этим, Господь снова исцелил мученицу. Ксения, во время своих новых мучений, продолжала славить Бога, а епарх, видя ее стойкость и мужество, все более распалялся желанием отвратить ее от Христа и сделать своей супругой. Он приказал привести дикого коня и привязать к нему Ксению за ноги, чтобы влачить ее по камням. Но милосердный Господь сотворил так, что конь не сдвинулся с места, не смотря на все усилия мучителей и самого епарха. А святая снова прославила Господа за Его заступничество и помощь. Окружающие, кто видел эти чудеса, восклицали: «Велик Бог христианский!» и многие из них уверовали во Христа. Но епарх, в своем духовном ослеплении, продолжал не веровать в истинного Бога, и снова отправил мученицу в темницу.

Среди ночи, когда Ксения пребывала в молитве, темницу вдруг осиял Божественный свет и явился Господь Иисус Христос в окружении множества Ангелов. Обратясь к ней, Он возвестил ей о близкой кончине и о даровании ей победного венца, который украшает девственников в Небесном Царствии.

На следующий день Дометиан опять призвал святую к себе и попробовал еще раз лестью и уговорами отвратить ее от Христа, принести жертву идолам и склонить к супружеству. Но святая твердо и решительно отказалась сделать все это, в надежде через мучения поскорее соединиться со Христом. После этих слов Дометиан приказал умертвить святую через мечное усечение, тело ее посечь на мелкие кусочки и сжечь в огне. Когда святую привели за город на место казни, она упросила солдат дать ей немного времени для совершения молитвы. Упав на колени и подняв руки и глаза к небу, она молилась Господу, благодаря Его за все Его милости и помощь, которые Он посылал ей во время ее земной жизни и мучений. Во время молитвы Божественный голос благовествовал ей, что просьба ее услышана. После этого святая с радостью приняла свою смерть через усечение мечем. Затем солдаты извлекли сердце святой, чтобы принести его епарху, а тело изрубили и сожгли. Христиане собрали прах великомученицы, и впоследствии от него происходили исцеления и другие чудеса. Мученическая кончина святой совершилась 3/16 мая 318 года.

После смерти мученицы стало происходить много чудес, после молитвенного обращения к ней. Она помогала страждущим, являясь им в видениях. Вскоре после своей казни Ксения избавила жительницу Патр Марию от проклятия, юношу из Каламэ от беснования, некоего мужчину от болезней ног и молодую женщину от паралича. Также благодаря заступничеству святой происходили исцеления от сердечно-сосудистых, глазных и дерматологических заболеваний, нервных расстройств, сомнамбулизма. Пресвитер Георгий (Насис) приводит также чудеса святой Ксении, свидетелем которых он стал в Нью-Йорке. В том числе святая явилась ему и велела написать ее икону, которая находится в нью-йоркском кафедральном соборе. На ней великомученица изображена держащей в одной руке крест, а в другой – свое сердце. В 1993 г. в Каламате был построен храм во имя святой великомученицы Ксении.

По благословению

митрополита Херсонского и Таврического Иоанна